«Сўғдиёна»: Жиззахлик мухлислар Навоийга боришади

Шу куни «Сўғдиёна» Навоийда «Қизилқум» жамоасига қарши майдонга тушади. Жамоамизнинг ашаддий мухлислари ушбу ўйинга ташриф буюриб, стадионда ўз севимли жамоаларини қўллаб-қувватлаб туриш учун Навоий шаҳрига келишади. Биринчи давранинг сўнгги учрашувида «Сўғдиёна» ўз мухлислари кўз ўнггида сув ва ҳаводек зарур бўлган очкони қўлга киритиш учун майдонга чиқади. Ҳозирда жамоадаги ички муҳит ва футболчиларнинг кайфиятлари аъло даражада. Таркибда ҳеч қандай йўқотишлар йўқ. Футболга бефарқ бўлмаган барча мухлисларни эртанги ўйинда ўз севимли жамоаларини стадионда қўллаб-қувватлашларига чорлаб қоламиз!

Эслатиб ўтамиз «Қизилқум» - «Сўғдиёна» жамоалари ўртасидаги ўринбосарлар учрашуви бугун 17:30 да бошланса, асосий таркиблар ўртасидаги ўйин эса эртага соат 19:30 да бошланади.