«Сўғдиёна» украиналик ҳужумчи билан шартнома тузди

Жамоа тўлиқ таркиб билан машғулотларда қатнашди. Футболчиларнинг кайфияти аъло даражада. Бугунги машғулотларда Украиналик легионер ҳужумчи Александр Каблаш ҳам қатнашди. У билан жамоа шартнома ҳам имзолади. Маълумот ўрнида шуни айтиб ўтиш керакки, Каблаш давралар оралиғида «Навбаҳор» жамоаси йиғинидаги машғулотларда ҳам қатнашган эди. Футболчилар икки гуруҳга бўлинган ҳолда икки таймдан иборат ўйин ўтказишди.Шунингдек техник ва тактик тайёргарликларга жиддий эътибор қаратилди. Якшанба куни бўлиб ўтадиган «Машъал» жамоасига қарши учрашувга жиддий ҳозирлик кўрилмоқда.

Биринчи давра якунлангач, танаффус даврида жамоа қароргоҳида таъмирлаш ишлари олиб борилди ва шароитлар анча яхшиланди. Вилоят ҳокими С.Исмоилов томонидан ҳам жамоага имкон қадар жиддий эътибор қаратилмоқда. Ҳозирда жамоанинг олий лигадаги мавқиени яхши деб бўлмайди. Ушбу ҳолатни яхшилаш мақсадида вилоятдаги мутасаддилар ва жамоа раҳбарияти «Сўғдиёна»нинг олий лигада ўз ўрнига эга бўлишида барча чора-тадбирларни амалга оширишга бел боғлашган. Ишонамизки, жамоамиз ушбу мавсумда олий лигада ўз ўрнини сақлаб қолади.

Қўйида машғулотлардан олинган видеолавҳалар билан танишишингиз мумкин.

Виделавҳани кўриш учун линк