“Сўғдиёна” Жиззахдаги йиғинни якунланди

Режага кўра иккинчи босқич Тошкентда давом эттирилади. “Оқ-тепа” га қарши ўртоқлик учрашувидан сўнг жамоа мураббийлар штаби футболчиларга қисқа муддатли таътил беришга қарор қилган эди. Бугун жамоа Тошкентда йиғилди ва муҳташам “Гранд Атлас” меҳмонхонасига жойлашди.

Тошкентдаги йиғин давомида бир нечта ўртоқлик учрашувлари бўлиб ўтиши режалаштирилган. Улардан дастлабкиси, 25 январь куни “Пахтакор”га қарши ўртоқлик учрашуви бўлиб ўтади. 28 январда “Навбаҳор”, 5 февраль куни “Қизилқум” билан ўртоқлик учрашувларини ўтказиш режалаштирилган.

Жиззахдаги йиғин давомида кўрикда бўлган айрим футболчилар билан хайрлашилди ва Тошкентдаги йиғинга бир нечта футболчилар келиб қўшилиши кутилмоқда. Бу ҳақида эса кейинги хабарларда батафсил маълумот берамиз.