"Sky Sports" нашри финалнинг энг ёмон футболчисини аниқлади
11 июн 2023 15:12
Янгиликлар

"Sky Sports" нашри финалнинг энг ёмон футболчисини аниқлади

"Sky Sports" нашри кеча тунда бўлиб ўтган "Манчестер Сити" ва "Интер" ўртасидаги ЕЧЛ финалида ўйнаган футболчиларга баҳо қўйиб чиқди.

Унга кўра, учрашувда киритилган ягона гол муаллифи 26 ёшли Родри 10 балли тизимда 9 баллга баҳоланди. Шунингдек, таркибдаги Эдерсон, Рубен Диаш, Эрлинг Холанд ҳамда Кевин де Брюйне 7 баллга лойиқ кўрилди.

"Интер" дарвозабони Андре Онана, ҳимоячилар Маттео Дармиан, Франческо Ачерби, Алессандро Бастони, ярим ҳимроячилар Марцело Брозович ва Федерико Димаркога ҳам 7 балл қўйилган.

Учрашувнинг энг ёмон футболчиси сифатида 4 балл олган Ромелу Лукаку қайд этилди.

Ҳавола :

Манба : Sky Sports

Янгиликларни Телеграмда ўқинг!

Рейтинг: +1