"Сити" собиқ футболчиси Варан ҳақида: "У ван Дейк ёки Диашдек бўлишига ишончим комил эмас"

"Испанияда Чемпионлар лигасини ҳисобга олмаганда мавсумда фақатгина 6та қийин ўйин ўтказасиз. АПЛда эса бу ишни ҳар ҳафта қилиш керак.

Бошқа чемпионатлардан АПЛга ўтган ўйинчилар билан гаплашганингда, улар доим тезлик ҳақида гапиришади. Жадвалнинг пастки қисмидаги жамоалар билан ўйнаганингда ҳам 90 дақиқа тинмай тер тўкишинг керак. Ҳар ҳафта. Бу ерда енгил учрашувлар бўлмайди, Варан бунга кўникиши зарур.

Премьер-лига ЛаЛигадан кескин фарқ қилади. Варан - ҳужумкор ўйинчи эмас. Ҳимоячилар учун жисмоний юкламалар ва тезлик мувозанатини ушлаб туриш осон эмаслигини кўряпмиз.

ЛаЛигада Варан 70-75 % кучини ишлатиб ҳаракатланадиган ўйинлар кўплигига аминман. Бундай тўқнашувларда "Реал" тўп билан кўп муомала қилади ва катта босим ҳис қилмайди.

АПЛда эса бундай бўлмайди. Бунга имкон қадар тез кўникиш керак. Унда чиндам ҳам яхши шериклар бор - Харри Магуайр, Люк Шоу, Аарон Ван-Биссака ёки Триппьер (Киран ҳозирча МЮ футболчиси эмас).

Бу яхши трансфер. Лекин, Варан келиши билан Виржил ван Дейк ёки Рубен Диаш каби ажойиб ҳаракат қилишига ишончим комил эмас", - деди Миллз.