Шукурали Пўлатов: "Вазифамиз ҳар бир ўйинда ғалаба қозониш"

Ушбу учрашувда фарғоналиклар 1:0 ҳисобида ғалаба қозонишди. Биз “Нефтчи” ҳимоячиси Шукурали Пўлатовдан ўйин ҳақида интервью олдик.

- Янги мавсумга тайёргарлик қандай кечмоқда?
- Тайёргарлик яхши кетяпти. Асосан жисмоний ҳолатимизга эътибор қаратиляпти, кунига икки маҳал машғулот ўтказяпмиз. Бундан буёғига ўртоқлик ўйинлари кўп бўлади. Рақиблар бор, навбатдаги ўртоқлик ўйинимиз Тошкентнинг “Бунёдкор” жамоасига қарши ўтказилади.

- Бугунги ўйин ҳақида қандай фикрдасиз?
- Бугунги рақибимиз кучли жамоа ўтган йили ҳам ўртоқлик ўйинида майдонга чиққанмиз, бугунги баҳс аввалгисидан анча қийин бўлди. Ҳар бир ўйинга ғалаба қозониш учун майдонга чиқамиз, асосийси мухлисларимиз учун ўйнаймиз.

- Клуб раҳбарияти олдиларга қандай вазифа қўйган?
- Ҳар бир ўйинда ғалаба қозонишимизни вазифа қилиб қўйишган. Мухисларимиз ҳам ғалаба қозонишимизга ўрганиб қолишган. Раҳбариятимиз кучли учликка киришимизни олдимизга вазифа қилиб қўйган. Ўтган йили бироз омад йетишмади, яхши ўринларни олишимиз учун бизда имконият бор эди. 2016 йилги мавсумда янада юқори ўринларни эгаллашга ҳаракат қиламиз.