UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  1 00:52Италиялик жаҳон чемпиони Қозоғистонга ташриф буюрди  2 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  13 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  10 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  33 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  25

Шуҳрат Мақсудов: "Мағлубиятга тенг дуранг бўлди" Янгиликлар

Шуҳрат Мақсудов: "Мағлубиятга тенг дуранг бўлди"

Суперлиганинг тўққизинчи туридан ўрин олган "Бунёдкор" - "Навбаҳор" (0:0) учрашувидан сўнг мезбонлар устози Шуҳрат Мақсудов фикрларини билдириб ўтди.

Қандай ўйин бўлганига ҳамма гувоҳ бўлди. Аввалги турдаги аламли мағлубиятдан кейин, футболчиларнинг руҳий ҳолатини яхшилашга ҳаракат қилдик. Ўйлашимча, бугун футболчиларимиз яхши ўйин кўрсатишди. Бугун омадимиз келмади. Футболда омад муҳим аҳамият касб этади. Олдинги турда бўлгани каби вазиятлардан фойдалана олмадик. 

Шогирдларимга бугунги ўйин учун катта раҳмат айтаман. Улар кийиниш хонасида тушкунликка тушиб қолишди, уларга раҳмат айтиб кичик танаффусга кузатиб қўйдик. Бугунги кунда ким кучли бўлса, ўша майдонга тушади", - дейди Шуҳрат Мақсудов.

- Одилжон Абдураҳмоновнинг бир нечта ўйинлардан бери захирада қолаётганини сабаби нимада? Ваҳоланки ҳужумларни бошлашди, гавда билан ўйнашда қирғизистонлик футболчи яхши ҳаракат қилаётганди...
- Жароҳати йўқ. Бугунги кунда ким кучли бўлса ўша футболчи майдонга тушади.

- Шаҳбоз Эркиновнинг ҳолати шунчалик ёмонми? Миржаҳон Мираҳмадовнинг ўйини муваффақиятсиз чиққанига қарамасдан 90 дақиқа ўйнатдингиз...
- Сизга шундай кўринаётган бўлиши мумкин. Миржаҳон Мараҳмадовнинг ўйинидан мамнунман, шунинг учун унга ишонч билдирдим. Бу бошқа футболчиларга ишонмайман деганим эмас, вақти келиб, ҳаммага имконият берилади. Машғулотларда барча футболчилар ўзларини яхши кўрсатмоқда.

- Жамоа учта пас билан ҳужумга яхши ўтаётганини кўрдик. Буни кўпроқ қўллашни имкони йўқми? Ҳужумларни кескинлашишида бу самара бераётгандек...
- Ўйиндан олдин футболчиларга вазифалар берилади. Гапириш бошқа, ўйиндаги вазиятлар ташқарида айтилган гапларга тўғри келмай қолиши мумкин. Бу ўйиндан келиб чиқиб амалга оширилади. Қолаверса рақиб ҳам қараб турмайди.

- Жамоангиз фейр плейга амал қилмаяпти, бу сизнинг кўрсатмангизми ёки футболчиларнинг ўзлари шуни хоҳлашяптими?
- Менимча, бугунги кунда фейр-плейга энг кўп амал қиладиган жамоа "Бунёдкор" бўлади. Битта ўша биринчи бўлимда Фаррух Икромов ўйинни тўхтатмаганини инобатга олсак, бошқа бундай ҳолат кузатилмади.

- "Бунёдкор"нинг захира ўриндиғи катта эмаслиги билиняпти. Ёзги трансферлар ойнасида янги футболчилар олинадими?
- Мавсум бошида бошқа жамоаларга сингари янги футболчиларни олишда танлов катта бўлмади. Яхшигина ҳомийга эга бўлганимизда трансфер ойнаси ёпилганди. Биринчи даврани якунлаб олсак, таркибга яхши футболчиларни олиш ниятимиз бор. Шу жумладан, ёшлар жамоасидан ҳам.

- Жамоанинг дуранг натижа қайд этганида "Навбаҳор"нинг кўрсатган ўйини ҳам сабаб бўлдими?
- "Навбаҳор"ни "Нефтчи"да ишлаб юрган пайтимдан жуда ҳурмат қиламан. Наманганда футболни жуда севишади. "Бунёдкор" ҳар бир ўйинга рақибни ҳурмат қилган ҳолда тушади. Жумладан, "Навбаҳор"ни ҳам. Лекин бугунги дуранг биз учун мағлубиятга тенг бўлди.

Рейтинг: -4   

Фикрлар

championat.asia
< сўнгги янгиликларни кўриш
Яндекс.Метрика