Шуҳрат Мақсудов: "Аламли мағлубият"
14 май 2021 21:26
Янгиликлар

Шуҳрат Мақсудов: "Аламли мағлубият"

Ўзбекистон Суперлигаси 8-тури доирасидаги АГМК 3:1 "Бунёдкор" учрашувидан кейин "қалдирғочлар" устози Шуҳрат Мақсудов матбуот анжуманида иштирок этди.

Ўйин ҳақида

Ўйинга тўхталишдан олдин бутун халқимизни Ҳайит байрами билан табриклайман. Учрашувга тўхталадиган бўлсам, АГМК жамоасини ғалаба билан табриклайман. Жуда аламли мағлубият. Бу футбол. Ўзингиз ҳам кўрдингиз, 1-таймда ўйинни тўлиқ назорат қилдик. Ҳатто 2-бўлимдаги пенальтили вазиятгача ҳам устунлик биз томонда эди. Вазиятлардан фойдалана билмадик. Футболда шунақа: сен урмасанг, сенга уришади.

- Нимани эвазига устунлик рақиб томонга ўтиб кетди, деб ўйлайсиз? Қизил карточка, ҳисоб ҳам "Бунёдкор" фойдасига эди...

- Яна бир бор такрорлайман. Биз устунликни топшириб қўймадик. Шунчаки, вазиятлардан фойдалана билмадик — омад келмади. 1:0 бўлиб турганда яна битта гол урсак, эҳтимол, барчаси бошқача бўлар эди. Бу футбол. Мен шогирдларимга ҳам ўйин учун миннатдорчилик билдирдим. Тўғри, ютқаздик. Лекин ҳаёт давом этади.

Ҳавола :

Манба : championat.asia

Янгиликларни Телеграмда ўқинг!

Рейтинг: -13