“Штутгарт” Германия кубогининг ҳар бир босқичида мураббийни алмаштириб, ярим финалга қадар етиб келди

Германиянинг “Штутгарт” клуби мамлакат кубогининг ҳар бир босқичида янги мураббий билан иштирок этиб, ярим финалга қадар етиб борди. 

Жамоага 1/32 финалда Пеллигрино Матараццо, 1/16 финалда Михаэль Виммер, 1/8 финалда Бруно Лаббадия, 1/4 финалда эса Себастьян Хеннесс устозлик қилди. Яъни немис клуби кубок сари энг ноодатий йўлни босиб ўтди: 4 босқич, 4 мураббий, 4 ғалаба.

“Штутгарт”ни олдинда яна иккита босқич кутиб турибди. Себастьян Хеннесснинг эса курсиси қимирлаб қолмаса бўлгани эди.