Hamyurtimiz bungacha 6 oktyabr kuni "Rostov" safida maydonga tushadi. Yakshanbada Shomurodov to'p tepayotgan jamoa Moskvada SSKA mehmoni bo'ladi. "Armiyachilar" ayni damda turnir jadvalida peshqadamga aylanib olishgan. To'purarlar jadvalida 9ta gol bilan yetakchilik qilayotgan Eldor Rossiya poytaxtidagi bahsda shu nomga munosib ekanligini isbotlashga harakat qiladi.
Ushbu bahsdan so'ng Shomurodov O'zbekiston MTJda Yaman va Singapurga qarshi bahslarda maydonga tushishi kerak. 1-turdagi muvaffaqiyatsizlikdan so'ng bizga g'alaba suv va havodek muhim.
Terma jamoalar o'yinidan keyin Eldor "Rostov"ga qaytib ketadi va 19 oktyabr kuni uni "Zenit"ga qarshi bahs kutib turadi. Sankt-Peterburg klubi ham turnir jadvalida yetakchilar safida bormoqda.
Eldor Shomurodovni kutib turgan keyingi 4ta o'yin:
6 oktyabr. SSKA - "Rostov"
10 oktyabr. O'zbekiston - Yaman
15 oktyabr. Singapur - O'zbekiston
19 oktyabr. "Zenit" - "Rostov"
