Шоҳруз Норхонов: "Локомотив"нинг кучли тарафларини зарарсизлантирамиз"

- "Локомотив"га қарши баҳс финалга мос ўйин бўлади, деб ўйлайман. Тайёргарлик қизғин тарзда кечмоқда. Кайфият анча зўр. Биз чемпионатдаги сўнгги беллашувда йўл қўйган хатоларимизни таҳлил қилиб, керакли хулосаларни чиқардик. Хатоларни такрорламасликка ҳаракат қиламиз. "Локомотив" кучли жамоа эканлигини тушуниб турибмиз. Аммо бу бизнинг мақсадларимизни ўзгартира олмайди.

Жамоамизнинг финалга анча чанқоқ. Бу баҳсга алоҳида тайёргарлик мавжуд. Нима бўлишидан қатъий назар ғалаба қозонишимиз лозим. Финалдаги ғалаба кубок ва ОЧЛ чиптасини тақдим этади.

"Локомотив"нинг кучли тарафлари? Рақибнинг ҳужум чизиғи вакиллари ҳам ярим ҳимояси анча кучли. "Темирйўлчилар" анча сермаҳсул ўйнаётгани бежизга эмас. Ўйлайманки, рақибнинг кучли тарафларини зарарсизлантира оламиз, - дейди Норхонов.