UZ

Сўнгги янгиликлар

18:20Суперлига. "Динамо" – "Металлург": Асосий таркиблар маълум  0 18:15ПРО лига. Тошкентда ўтган "Бухоро" - "Хоразм" учрашувида дуранг қайд этилди  10 17:43Винченцо Итальяно мавсум охирида клубдан кетади  0 17:25Альфонсо Дэвис "Бавария" билан янги шартнома имзоламайди  0 17:01"Бунёдкор" янги бош мураббий номини эълон қилди  12 16:20"Евро-2024"да ҳеч ким Англия билан тенглаша олмайди"  7 15:57"Қизилқум" "Локомотив" билан ўйин учун қайдномасини эълон қилди  0 15:26Суперлига. 4-тур учрашувларини ўтказиб юборадиган футболчилар  4 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  5 13:44"Манчестер Юнайтед" "Реал" футболчисини сотиб олмоқчи  1 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  5 12:15Месси: "ЖЧ-2022да ғолиб бўлмаганимизда, мен терма жамоадан кетардим"  8

Шартномаси декабрда якунланадиган Авазбек Ўлмасалиев фаолиятини қаерда давом эттириши мумкин? Янгиликлар

Шартномаси декабрда якунланадиган Авазбек Ўлмасалиев фаолиятини қаерда давом эттириши мумкин?

Тошкентнинг “Бунёдкор” клуби Суперлига 23-турида “Турон” устидан ғалаба қозонди, - 3:1.

Ўйиндан сўнг “қалдирғочлар” футболчиси Авазбек Ўлмасалиев билан суҳбатлашдик. 

- Авазбек, бугунги ўйиндан олган таассуротларингиз билан ўртоқлашсангиз?

- Қизиқарли ва ҳаёжонга тўла ўйин бўлди. Биринчи бўлиб майдонда 10 киши бўлиб қолганимиздан кейин, ҳисобни сақлаб қолишни режалаштиргандик. Чунки “Турон” бизга жиддий қаршилик кўрсатаётганди. Лекин меҳмонлар гол уриб олганидан сўнг, ортга йўл қолмаганини ва охиригача ғалаба учун ўйнадик. Рақибнинг иккинчи голни уриш истагида олдинга ўтиб кетганидан фойдаланган ҳолда, ғалаба голларини уришга муваффақ бўлдик. 

- “Бунёдкор”нинг мавсум давомида барқарор ўйин кўрсатишига нима ҳалақит қилмоқда?

- Тўғриси, бу фикрингизга қўшилмаган бўлардим. “Бунёдкор” ҳар бир ўйинда яхши ўйнамоқда. Фақатгина, омад етишмаслиги сабаб очко йўқотилди. Бундан ташқари, таркибимиздаги айрим ўйинчиларимиз ёрдам бера олишмаяпти. Шу ҳам натижаларимизга бироз таъсир қилмоқда. Шу ўринда жароҳатини даволатаётган Фаррух Икромовнинг тезроқ сафга қайтишини истаймиз. 

- Совринли ўринлар учун кураш қизғин кечмоқда. Айтингчи, “Бунёдкор”нинг бу йўлдаги имкониятларини қандай баҳолайсиз?

- Олдимизда турган баҳсларда ижобий натижа кўрсата олсак, ишонаманки, биз ҳам совринли ўринларни бирини эгаллашимиз мумкин. Ҳаммаси ўз қўлимизда. 

- “Бунёдкор” билан шартномангиз қачон тугайди? 

- Шартномам шу йилнинг якунига қадар мўжалланган.

- Шартномангиз тугаганидан кейинги режаларингиз қандай?

- Ҳозирча бу борада ўйлаб кўрганимча йўқ. Мавсум якунига етганидан сўнг бир қарорга келамиз. 

- Собиқ жамоангиз “Нефтчи” Суперлига йўлланмасига эга чиқди. Келгуси йил учун фарғоналиклар сизга таклиф билан чиқишса, буни қабул қилармидингиз?

- Аввало “Нефтчи”ни Суперлигага йўл олгани билан табриклайман. Ҳозирча таклиф тушгани йўқ. Шу боис бу ҳақида гапиришдан фойда йўқ.

Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика