"Шарманда!" – Тони Кроос 21 ёшли Вейганинг "Ал Аҳли"ни танлагани ҳақида
24 авг 2023 21:25
Янгиликлар

"Шарманда!" – Тони Кроос 21 ёшли Вейганинг "Ал Аҳли"ни танлагани ҳақида

Теглар : Тони Кроос "Ал Аҳли"Габриэль Вейга

Футболчини ўзини тийиб тура олмади.

"Реал Мадрид" футболчиси Тони Кроос "Ал Аҳли" амалга ошириши кутилаётган сўнгги трансфер бўйича кескин фикр билдирди, аниқроғи, ушбу ўтишни биргина сўз билан атади. Таниқли инсайдер Фабрицио Романо ўзининг "инстаграм" саҳифасида 21 ёшли истеъдодли футболчи Габриэль Вейганинг "Ал Аҳли"га ўтиши ҳал бўлгани ҳақида ёзди. Тони Кроос эса ушбу пост остига "шарманда", деб изоҳ қолдирди.

Эътиборлиси шундаки, "Селта" футболчиси Габриэль Вейгага ёзда "Барселона", "Манчестер Сити", ПСЖ, "Наполи", "Ливерпуль" ва "Челси" каби клублар қизиқиш билдирганди. Футболчи эса шунча таклифлар турганда, "Ал Аҳли" вариантини танлади.

Маълумот учун, Тони Кроос ушбу ёзда Саудия Арабистони томонидан берилган таклифларни рад этгани ҳақида хабар берилганди.

Ҳавола :

Манба : https://www.instagram.com/fabriziorom/

Янгиликларни Телеграмда ўқинг!

Рейтинг: +10