Шаҳбоз Беғамов: "Бугунги фаворит – "Навбаҳор"
02 сен 2022 18:12
Янгиликлар

Шаҳбоз Беғамов: "Бугунги фаворит – "Навбаҳор"

Таниқли инсайдер Шаҳбоз Беғамов телеграмдаги шахсий каналида Coca Cola Ўзбекистон Кубоги чорак финали доирасидаги "Навбаҳор" – "Пахтакор" учрашуви ҳақида пост қолдирди.

"Намангандаги ўйинда фаворит аниқ. Лекин мен бу ўйиндан пенальтилар сериясини кутяпман. Бундай атмосфера ва ҳароратдаги тўқнашувга пенальтилар серияси етишмаяпти холос.

Ҳар иккала жамоада ўтган галги ўйинга нисбатан минимал ўзгаришлар бўлади. "Навбаҳор"да Касьянни асосий таркибда Марушич алмаштирса, "Пахтакор"да Турғунбоев ва балки Мартиновични ҳам бугун асосий таркибда кўрмасак керак.

Алибоев эса дисквалификациядан қайтса, Ҳамдамов ҳам бугун ўйинни бошланғичда бошлаши мумкин.

Хуллас, 120 дақиқалик ўйин ва пенальтилар серияси бўлишини кутамиз.

Кўпчилик "фаворит ким экан?" деган савол билан мурожаат қилаётгани учун жавоб бераман. Биринчи ўйиндан кейинги хулосамдан келиб чиқиб айтаман, бугунги фаворит – "Навбаҳор".

Лекин ўша гап, мен пенальтилар серияси ишқибозиман ва бугунги ажойиб атмосферага 120 дақиқалик "жанг" ва ғолибни аниқлаш учун "лотерея"га мурожаат қилишларини истардим", – дейилади постда.

Ҳавола :

Манба : championat.asia

Янгиликларни Телеграмда ўқинг!

Рейтинг: -8