Сетьен: “Барса” қўлидан келган барча ишни қилаяпти, аммо...

“Ўйин охирида ташаббусни рақибга топшириб қўйишимиз бу жисмоний ҳолатимиз билан боғлиқ. Биз янада яхшироқ натижа учун бор куч билан ҳаракат қилаяпмиз, аммо “Реал” барча учрашувларда ғалаба қозонишда давом этмоқда.Учрашув охири асабий кечди. Бу бизнинг биринчи бўлимдаги вазиятларни голларга айлантира олмаслигимиз билан боғлиқ. 

Биз “Вальядолид” бешта ҳимоячи билан ҳаракатланишини кутгандик. Биз ҳам шундай тактикани танлаб, уларга қанотлар орқали босим уюштиришни режа қилгандик. Агар улар Бускетсни “ёпиб” қўйишса, марказий ҳимоячилардан бири орқали ҳужумга отланишни мақсад қилгандик. 30-35 дақиқагача ўйин ажойиб кечди ва ўшангача ҳисобни йириклаштириш имконияти ҳам бўлди. Чарчаш туфайли иккинчи бўлимда кўп вазиятларда рақибга имкониятни бой бердик ва ҳимояланишга мажбур бўлдик. 

Ўтган ўйиндан 72 соат вақт ўтиб, кейинги баҳсни ўтказишга мажбур бўлаяпмиз. Ҳаво иссиқ ҳам эди. Айрим ўйинчиларимизда чарчаш аломатлари яққол кўзга ташланди. 

Гризманн ўзини яхши ҳис қилмаганлиги учун алиштиришларини сўради. Ўзгариш мантиқан тўғри. У кетма-кет бешта ўйиндан буён майдонга тушмоқда ва у дам олиши лозим эди. Месси нима учун алмаштирилмади? Ҳисоб қалтис эди. Агар бошқача ҳисоб бўлганида, кўплаб футболчиларга дам бериларди”, деди мураббийи.