Серхио Батиста: "0:4 ҳисобидан ҳафсаламиз пир бўлди"
09 окт 2015 12:37
Янгиликлар

Серхио Батиста: "0:4 ҳисобидан ҳафсаламиз пир бўлди"

ЖЧ-2018 иккинчи саралаш босқичи доирасидаги Баҳрайн – Ўзбекистон учрашувидан кейин ги матбуот анжуманининг иккинчи қисмида Баҳрайн терма жамоаси бош мураббийи Серхио Батиста иштирок этди.

“Бугунги учрашувнинг биринчи бўлимида терма жамоамиз ўзининг режаси асосида ҳаракат қилди – дея сўз бошлади Серхио Батиста. – Лекин иккинчи бўлимда кўп нарса ўзгариб кетди. Натижада биз йирик ҳисобда мағлуб бўлдик. Албатта, бу натижадан ҳафсаламиз пир бўлди. Аммо бу билан ҳаёт тўхтаб қолмайди. Биз олдинга интилишда давом этамиз. Бу саралаш босқичи Осиё ва Жаҳон чемпионатлари учун умумий. Тўғри, бизда Жаҳон чемпионати учун курашда имконият кескин пасайиб кетди. Бироқ ҳали Осиё чемпионати финал босқичида қатнашиш учун имкониятимиз сақланиб қолинган. Биз ундан фойдаланиш учун бор имкониятлармизни ишга соламиз”, — деди Бахрайн терма жамоаси бош мураббийи.

Ҳавола :

Манба : the-uff.com

Янгиликларни Телеграмда ўқинг!

Рейтинг: +2