Сервер Жепаров: "Фаолиятимдаги тўртинчи Осиё Кубогига тайёрман"

Сардорнинг тўртинчи уриниши қандай бўлади? Бу ҳақда футболчи шундай дейди:

- Энг муҳими биринчи ўйинни яхши бошлаб олиш. Шунда кайфиятимиз икки карра ошади. Футболда кайфияти юқори жамоа ҳар қачон кучли бўлади. 

Гапини давом эттирар экан, Осиёнинг икки карра "энг яхши футболчиси" рақибни менсимаслик хато бўлишини қўшиб ўтди. 

"Кўчпилик КХДРни осонлик билан ютишимиз мумкинлигини айтаяпти. Бугунги кунда ҳар бир жамоанинг ўзига яраша кучи бор. Айниқса ҳимояда ўйнайдиган рақибга қарши баҳс олиб бориш мураккаб бўлиб бораяпти", - дейди Жепаров.

- Қизиғи шундаки, мана иккинчи мусобақа, биз биринчи ўйинимизни ўтказаётган стадионда финал баҳси бўлади...

- Албатта ўйинни бошлаган стадионда уни якунига еткзасанг ёқимли. Қисқа муддатли мусобақаларда, ким ўша кун учун тайёр бўлса ғалаба қозонади. Ҳар бир қилинган хато қимматга тушади ва хато қилаётганлардан фойдалансак, мақсадимизга эришишимиз мумкин бўлади.