UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  5 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  4 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  29 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

Сайловдан кейинги сайлов: Шомуродовни танлайсизми ёки Роналдуни? Янгиликлар

Сайловдан кейинги сайлов: Шомуродовни танлайсизми ёки Роналдуни?

Бугун мамлакат келажагини белгиловчи муҳим кун. Нафақат мамлакат, балки футбол оламида ҳам шодиёна. Бугун мунис аёллар сериалсиз қоладиган оқшом ҳисобланди.

Бугунги яшил майдон томошаларини ҳам танлов асосида жонли кузатишга мажбурмиз. Қизиқарли ўйинларни таклиф қилаётган чемпионатлар бири — Италия А Сериясининг 9-тур баҳслари.

Мазкур турда ҳапдори ичишга мажбур қиладиган икки драманинг гувоҳи бўламиз. Бу ҳақда бироз кейинроқ. Бугунги кун ҳисобидаги баҳсларни эса "Аталанта" — "Удинезе" ўйини бошлаб беради.

"Аталанта" — "Удинезе"

"Аталанта" ҳам сўнгги йилларда кучли жамоалар қаторидан ўрин эгаллашга интилмоқда. Гасперини шогирдлари чемпионатда очиқ ўйин намойиш эта олиши билан чиройли футбол томоша қилишни истаган мухлисларнинг олқишларига арзирли жамоа саналади. Бир қараса, жамоа ўзи истаганча гол уради ҳамда рақибларини ҳам қуруқ қўл билан қатаришни истамайди. Буни клубнинг сўнгги уч учрашувидаги натижаларидан ҳам билиб олиш мумкин, ундаги тўплар нисбати — 8:7. "Удинезе" ҳам шундай ўйин тарафдори, улар ҳам ҳар бир қайси тарафга бўлса ҳам голлар шоусини амалга ошириш илинжида майдонда саф тортишади. Бироқ "Аталанта" улар учун ноқулай рақиб саналади. "Удинезе" ушбу рақибларини сўнгги 7 баҳсдан бери мағлуб эта олмаяпти. Қолаверса, "Аталанта" етакчилардан ортда қолмаслик учун жон-жаҳди билан курашади. Бугунги ўйинда ҳам голлар шоусини гувоҳи бўламиз деган умиддамиз.

Жамоалар ўртасидаги сўнгги уч учрашув:

"Аталанта" — "Удинезе" 3:2

"Удинезе" — "Аталанта" 1:1

"Удинезе" — "Аталанта" 2:3


"Верона" – "Лацио"


Етакчилардан, қолаверса, шаҳардошидан ортда қолмаслик учун курашатган жамоалардан яна бири пойтахт жамоаси – "Лацио" "Верона" меҳмони бўлади. "Верона" деганда кўз олдимизга чемпионатда жон сақлаб қолиш учун курашадиган жамоа келса-да, охирги баҳсларда уларнинг иштаҳаси карнай бўлиб бормоқда. Ҳарқалай, ўз ўйида "Рома"ни хафа қилган клуб унинг ҳамшаҳарларини мағлуб эта олмаймизми деган кайфиятда ўйинга тушишади. Кимсан "Верона" сўнгги 5 ўйинда 15 та гол киритганини инобатга олсак, бу натижага "Барселона" каби грандларнинг ҳам "сўлаги оқиши" табиий ҳол. "Бургутлар" эса Европа лигасидаги нурсиз дурангдан сўнг улоқни олиб кетиш учун меҳмонга ташриф буюришса, ажабмас. Ушбу баҳс ҳам қолганларидан қолишмайди.

Жамоалар ўртасидаги сўнгги уч учрашув:

"Верона" – "Лацио" 0:1

"Лацио" – "Верона" 1:2

"Верона" – "Лацио" 1:5


"Фиорентина" – "Кальяри"

Бу ўйинга эътибор кучли бўлмаса-да, кузатадиганлар топилади. Айниқса, Влаховични кўз остига олиб қўйган жамоаларнинг скаутлари футболчининг нима каромат кўрсата олишини интиқлик билан кутишади. Душан сўнгги 9 баҳсда 6 маротаба рақиб дарвозабонларини пешонасини тириштиришга мажбур қилган. "Кальяри" эса унинг навбатдаги қурбони бўлмасликка ҳамда лигадаги хавфли зонадан юқорироққа сакрашга интилади.

Жамоалар ўртасидаги сўнгги уч учрашув:

"Кальяри" – "Фиорентина" 0:0

"Фиорентина" – "Кальяри" 1:0

"Фиорентина" – "Кальяри" 0:0


"Рома" – "Наполи"



Мақоланинг кульминацияси томон қадам ташлаяпмиз. Бир йил аввал, эҳтимол, ушбу учрашув ҳақида гап кетганда, диққатимизни унчалик жалб қилолмасди. Бироқ бу йили "бўрилар" учун фақатгина бир инсон туфайлигина жон куйдирамиз. Охирги учрашувида ёш болаларча тарсаки еган римлик футболчилар ғазаби атом каби устозидан отасидан эшитмаган "ширин сўзлар"ни эшитишган бўлса, ажабланмайман. Шу боис "Рома" паҳлавонлари бор аламларини ушбу ўйиндан олишга ҳаракат қилишади. Бироқ рақиб "Буде-Глимт"дан-да қудратлироқ, А Сериянинг 8 ўйинида 8 ғалабага эришган "Наполи" ҳисобланади. "Рома" ўз майдонидаги сўнгги 6 учрашувда зафар қучган. Неаполликлар эса охирги 3 баҳсда кетма-кет рақибларини қуруқ қўл билан кузатиб қўйишган. "Милан" кечаги ғалабасидан кейин чемпионатда 1-ўринга кўтарилиб олган бўлса, "Наполи" бугун ўз ўрнини тортиб олишга ҳаракат қилади. "Рома" эса "Special One"нинг жаҳлини чиқармаслик учун бор артелириясини жангга ташлаши кутилмоқда. Бугунги ўйинда Заниоло ва Смоллингнинг майдонга тушиши сўроқ остида турибди. "Наполи"да эса бу борада деярли муаммо йўқ. Ушбу учрашувдан бироз илгарироқ Англияда ҳам даҳшатли жанг бошланади. Бироқ ўзбек саркардаси иштирок этиши кутилаётган тўқнашув ундан кам аҳамиятга эга эмас. Гарчанд, у учрашувни захирада бошлаши мумкин бўлса ҳам, унинг асосий таркибда майдонга тушишини ҳамда ўзининг кимлигини исботлаб қўйишига умид билдирамиз. 

Жамоалар ўртасидаги сўнгги уч учрашув:

"Рома" – "Наполи" 0:2

"Наполи" – "Рома" 4:0

"Наполи" – "Рома" 2:1


"Интер" – "Ювентус"

"Рома"нинг ўйини "Манчестер Юнайтед" — "Ливерпуль" баҳсига тўғри келган бўлса, бу ўйин ПСЖ иштирокидаги ўйин билан деярли бир вақтда бошланади. Нуфуз жиҳатдан юқоридаги чемпионат баҳсларидан кўра юқорироқда туради аламзада жамоаларнинг тўқнашуви. Санаб саноғига етолмай қолган бир неча йиллик гегемонликдан сўнг миланликлар "Юве"нинг қулоғини бураб қўйишди ҳамда титулни ўзлариники қилишди. Энди уни ҳимоя қилиш ундан-да кўпроқ машаққатни талаб қилади. Айниқса, рақиб собиқ гегемон бўлса. Иккала жамоа ҳам бутун чемпионат учун тўплаган 100 фоиз энергиясининг камида ярмини мана шу баҳс учун сарфлаши эҳтимолдан ҳоли эмас. Сабаби, ўзаро учрашувлар жуда катта аҳамиятга эга. Футболда ва ундан ташқарида гапириш учун тайёр манба бўла олади. "Кекса сеньоралар"га бугунги жангда Ди Лигт ҳамда Дибала ёрдам беролмаслиги мумкин. Туринликлар учун "Интер" қулай рақиб, жамоа сўнгги 13 ўйиннинг 11 тасида ютқазмаган. Бу статистика ҳам туринликларга ўтган йилги чемпионликдан маҳрумлигига тасалли бўла олади. "Интер" эса тили осилиб қолса ҳам бугун хурсанд кайфиятда майдонни тарк этишга ҳаракат қилади. Ҳар ҳолда Месси, Мбаппе, Неймар иштирокидаги учрашувдан қизиқроқ ўтиши, шубҳасиз. Футбол ишқибозларига эса ухлаб қолишни маслаҳат бермаган бўлардим.

Жамоалар ўртасидаги сўнгги уч учрашув:

"Ювентус" – "Интер" 3:2

"Ювентус" – "Интер" 0:0

"Интер" – "Ювентус" 1:2


Италия А Серияси турнир жадвали

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика