Саутгейт: "Турнирни ютиш учун келгандик"

"Ўйин кутилганидек бўлди. Албатта, якун урилган голлар сонига қараб аниқланади. Футболчиларга бор кучи билан ўйнагани учун раҳмат айтдим. Барчасини деталлар ҳал қилди, майдондаги қайсидир нарсалар икки томон учун ҳам ишлади. Ушбу турнирда босиб ўтган йўлимиздан фахрланаман.

Учрашув бош ҳакамининг қарорларини муҳокама қилишдан маъни йўқ. Ундан кўра, ўз футболчиларим ҳақида савол беринг.

Францияни табриклайман. Улар қандай футбол ўйнаш кераклигини яхши билишади ва оғир ўйинда ғалабага эришишди. Бундан ортиғининг иложиси йўқ бўлса керак.

Биз биргаликда ютамиз ва мағлуб бўламиз. Икки гол қўйиб юбордик ва вазиятларимиздан фойдалана олмадик. Харри Кейн ажойиб футболчи, Англия термасида доимо ўзини кўрсатади ва ишончли ҳаракат қилади. У таркибимизда бўлмаганида шу ергача етиб келмаган бўлардик.

Кўплаб ҳолатларда биз тўғри ишладик. Бу ерга турнирни ютиш учун келгандик ва ўзимиз ҳам бунга ишонгандик. Термамиз ЖЧни ютишга қодир", - деди Саутгейт.