Саудия Арабистони устози Роберто Манчини кечаги иши учун узр сўради ва истеъфо бермаслигини айтди

Ўйиндан кейинги матбуот анжуманида Саудия Арабистони бош мураббийи Роберто Манчини ўз фикрларини билдирди. 

Мураббий дастлаб сўнгги зарба ижро этилишидан аввал трибуна остига кириб кетгани учун узр сўради ва мағлубиятга қарамай ўз лавозимини тарк этмоқчи эмаслигини маълум қилди.

"Барча футболчиларимга ўйин учун раҳмат айтмоқичман. Улар анча яхши ўйнашди.

Футболда ютиш ва ютқазиш мумкин. Жуда кучли жамоага қарши ўйинда футболчиларим муносиб ҳаракат қилишди. Биз пенальтилар сериясида мағлуб бўлдик, пенальтилар серияси - лоторея.

Энди биз бир жамоамиз. Янада кўпроқ ишлашимиз ва кучайишимиз кераклигини тушуниб турибмиз. Сабаби бундай кучли жамоаларни мағлуб этмоқчи бўлсак тинмай ишлашимиз даркор", - деди Роберто Манчини.