Санжар Турсунов: "Суғдиёна" билан учрашувда ғалаба ва ўзимиз учун керакли бўлган натижа учун тўп тепамиз"

Амалда “қалдирғочлар” бронза медалларини ўзиники қилиш учун жуда яқин келди. Кечаги ғалабадан сўнг захирадан майдонга тушган Санжар Турсуновга айрим ўзимизни қизиқтирган саволлар билан юзландик.

- Аввало ўйин ҳақида қисқача тўхталиб ўтсангиз...
- Биринчи бўлим тўлиқлигича бизники бўлди деб ўйлайман. Ҳисобда олдинда борётган эдик. Рақибимиз иккинчи бўлимни бир мунча яхшироқ ўтказди. Натижада орадаги фарқни тенглаштирди. Бизга ғалаба сув ва ҳаводек зарур эди, шу боис кўпроқ ҳужум қилишга ҳаракат қилдик.

- “Пахтакор” жамоасида тажрибали ва маҳоратли ўйинчилар етарли эди. Бугунги ғалаба ниманинг эвазига қўлга киритилди? Балки иштиёқ сабабдир...
- Шундай десак ҳам бўлади. “Пахтакор” юртимизнинг ҳозирги кундаги чемпиони. Бекордан бекорга улар биринчи ўринни олишмади. Мураббийнинг кўрсатмаларини тўғри бажарганимиз ва охиргача ғалаб илинжида тўп тепганимиз фойдамизга ишлади.

- Захирадан майдонга тушаётганингизда Вадим Абрамовдан қандай кўрсатмалар олдингиз?
- Таблодаги ҳисоб 2:2 эди. Бизни фақат ғалаба қаноатлантирарди. Ҳимояни эсдан чиқармаган ҳолда , орқароқда ҳаракатланшимни айтишди.

- Кейинги турда ҳам жамоа худди бугунгидек ҳаракат қила оладими?
- Биз ҳар бир ўйинда ғалаба учун майдонга тушамиз. “Суғдиёна” билан учрашувда ғалаба ва ўзимиз учун керакли бўлган натижа учун тўп тепамиз.

Абдулазиз Искандаров суҳбатлашди