Самвел Бабаян: "Мухлислар стадионда жой қолдиришмади"
06 май 2022 22:59
Янгиликлар

Самвел Бабаян: "Мухлислар стадионда жой қолдиришмади"

Суперлиганинг 7-туридан ўрин олган "Навбаҳор"- "Бунёдкор" (2:1) учрашувидан сўнг мезбонлар бош мураббийи Самвел Бабаян фикрларини билдириб ўтди.

"Ўйин ҳақида тўхталишдан олдин мухлисларимизни ғалаба билан табриклайман. Бугун нафақат стадионни тўлдиришди, балки бўш жой қолдиришмади. 1996 йилги мавсумда ҳам худди шундай атмосфера ҳосил қилишгани ёдимда. Футболчилар, мураббийилар, раҳбарият амалга ошираётган ишларнинг ҳаммаси мухлисларнинг хурсандчилиги учун. Ҳақиқий байрам бўлди. Қайсидир маънода сўнгги дақиқалар ҳаяжонли ўтди десам адашмайман. Бундай қўллаб - қувватлашдан кейин ҳар қандай ғалаба ёқимли ва қадрли. Суперлигада кураш давом этади. Ўткинчи ўйин йўқ",- дейди Бабаян.

- Пенальтини тепишда кўрсатма қандай бўлганди ёки ўша вазиятда футболчиларнинг ўзи ҳал қилдими?

- Жамоада шундай элементлар борки, кийиниш хонасида муҳокама қилиб олинади. Жокичнинг охирги жамоаларидаги ижро борасида статистикаси яхши эканлигини кўришимиз мумкин. Пенальтини уролмади, лекин ажойиб гол урди. Йигитларга охиригача курашгани учун, мухлисларга ажойиб олқишлар учун миннатдорчилик билдираман.

Ҳавола :

Манба : championat.asia

Янгиликларни Телеграмда ўқинг!

Рейтинг: +1