UZ

Сўнгги янгиликлар

13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  0 13:44"Манчестер Юнайтед" "Реал" футболчисини сотиб олмоқчи  0 13:23Хавининг дисквалификацияси бўйича апелляция рад этилди   0 12:50Ўзбекистон кубогининг саралаш босқичига қуръа ташланди  2 12:15Месси: "ЖЧ-2022да ғолиб бўлмаганимизда, мен терма жамоадан кетардим"  1 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0 10:37Футзал. Терма жамоамиз бугун Қирғиз Республикасига қарши баҳс олиб боради  0 10:00Хави «Барселона»да қолиши мумкин, бироқ бош мураббий сифатида эмас  4 09:24Месси футболдан ташқари яна қайси спорт турларига қизиқишини айтди  11 08:50Про лига. Бугун турнинг марказий учрашуви бор  8 08:34Шеригини «нокаут» қилган Бекмуродов жарима тўлайди. ЎФА Тартиб-интизом қўмитасининг қарорлари эълон қилинди  14 08:21Депайнинг агенти: «Бу ёлғон»  8 07:50«Реал Мадрид» келаси ҳафта 2 нафар футболчи билан шартномани узайтирганини эълон қилади  0 07:28Суперлига. Бугун ғалаба қозонмаганларнинг тўқнашувига гувоҳ бўламиз  1

Самвел Бабаян: "Мухлислар олдида қарзимиз қолиб кетди" (тўлиқ матбуот анжумани) Янгиликлар

Самвел Бабаян: "Мухлислар олдида қарзимиз қолиб кетди" (тўлиқ матбуот анжумани)

Coca Cola Суперлигаси 26-тури доирасида "Навбаҳор" - АГМК (3:1) учрашувидан кейин Самвел Бабаян ўз фикрларини билдирди.

- Барчага ҳайрли кеч. Қизиқарли ўйин бўлди. Одамлар яхши, ҳужумкор ўйин кутишганди. Биз эса уларнинг истагини амалга оширдик. Чемпионатнинг етакчиларидан бирини мағлуб этдик. Мухлисларимизни ғалаба билан, йигитларни эса чиройли ўйин билан табриклайман. Мамлакатимиз футболи тарихидаги энг қизиқарли чемпионат бўлди. Барча сўнгги тургача босим остида ўйнади. Бунақаси олдин ҳеч қачон бўлмаганди. Балки бу "Навбаҳор"нинг қайта туғилишидир. "Навбаҳор" яна ўзбек футболидаги топ-даражага қайтди. Мухлисларни кумуш медаллар, кубок финали, ОЧЛ билан табриклайман. Фикримча, биз бундан ортиғига лойиқ эдик, биринчи навбатда кубокда. Рақибга ҳеч қайси жиҳатда ютқазмасдан совринни қўлдан чиқардик. "Насаф" кичик лахзада барчасини ўзиники қилиб кетди. Чемпионликка ҳам "Навбаҳор" барчадан кўра муносиброқ эди. Чунки жамоадаги деярли барча нарсани янгилай олдик. Мухлислар фактори, ўйинга бўлган қизиқиш ошди. Наманганда одамлар футбол учун қаттиқ қайғуради. Бу ердагилар футболни ривожлантириш учун катта меҳнат қилишяпти, ёшлар ва ўсмирлар футболига эътибор ошмоқда. Мухлисларга ҳам катта совғалар тайёрламоқчи бўлгандик. Демак, бизга нимадир етишмади. Балки ресурслар камлик қилгандир. Чунки биз икки фронтда курашдик. Чемпионат тугашига 3 тур қолганида финални ўйнадик, албатта, бундай пайтда бор кучни кубокни олишга ишлатамиз. "Сўғдиёна"га қарши ярим финал ўйини қўшимча бўлимларга ҳам бориб, катта кучни олди. "Пахтакор"ни чемпионлик билан табриклайман. Улар бизнинг финални телевизор орқали томоша қилишди. Биз уларни турнирдан чиқариб юборгандик. Кучли жамоа финалда адолатсиз тарзда мағлуб бўлди. Биз мавсумни муносиб якунлашимиз керак эди. Барча йигитларга раҳмат айтаман, улар керакли кучни топиб, сўнгги тургача барчани ҳаяжонда ушлаб тура олишди. Бекободда оғир ўйин бўлди. Тушиб кетиш зонасидаги катта иштиёққа эга "Локомотив" майдонида жуда оғир ўйин ўтказдик. Бугун ҳам сўнгги 3-4 йил давомида етакчилардан бири бўлган, сифатли ўйин кўрсатаётган рақибни мағлуб қилдик. Йигитларга яна раҳмат дейман. Улар ҳозирги ҳурматдан ортиғига лойиқ. Улар ҳеч кимни уялтириб қўйишмади. Шу сабабли уларга катта шароитлар яратиб беришди. Финалдан кейин жамоаларнинг кайфияти ўзгарди. Уларда пасайиш бўлди. Буни натижа ҳам айтиб турибди. Яна нима демоқчиман. Бу йили ёшларимизга ҳам эътибор беришга ҳаракат қилдик. Мавсум якуни олдидан бўлган учрашувда Наманган Ҳокими ҳам ёшларимизни мақтаб ўтди, улар ушбу мавсум соврин ютишди ёки яхши натижаларга эриша олишди. Бугун эса 16 ёшли футболчи дебют қилди, бу ҳам яхши фактор. "Навбаҳор"нинг келажаги буюк. Клубдагилар барчаси вертикал бўлиши учун барча жиҳатларга эътибор бермоқда. Бугун ва эртага жамоа шарафини ҳимоя қилиш учун майдонга тушадиган ёшлар жуда кўп. Оғир мавсум ўтди. Ҳалироқ бир қатор сайтларнинг журналистлари билан учрашмоқчиман, уларга айтар гапларим бор. Биздек иштиёққа тўла жамоани жаҳлини чиқариш учун кўп нарсаларни тўқиб чиқаришди. Ушбу мавсумда "Навбаҳор"да бирорта навбатчи ўйин бўлмади. Ҳа, биз деярли барча етакчиларни мағлуб этдик. Бироқ турнир жадвалида пастки ўринларда бораётган жамоалар муаммо туғдира олишди. Балки икки ёки уч гол бизни чемпионликдан айирган бўлиши мумкин. Оғриқлими? Йўқ! Бундай чемпионат ҳаммага керак. Барча жамоалар сўнгги дақиқаларгача курашиб, ўйнаши керак. "Навбаҳор" фактори эса ўзбек футболининг ривожига ҳисса қўшди дея оламан. Футбол мамлакатимизда яна қадрлана бошлади. Бу жуда муҳим. Бу кейинчалик ҳам давом этишини истардим. Бабаян борми ёки йўқми, фарқи йўқ. Бугун йигитлар билан яратган тарихимиз кейин ҳам давом этишини истайман. Бу ўзбек футболининг ривожига туртки бўлади. Бу эртага ўзбек футболида ўйнайдиган ёшларнинг иқтидори очилишига сабаб бўлади.

- Ушбу мавсумда "Навбаҳор"нинг энг заиф нуқтаси чап қанот бўлди. Бунга қандай қарайсиз?

- Фикрингиз тўғри. Шунчаки бизда икки фронтда курашиш учун ресурс етмади. Чунки биз бироз бошқача футбол намойиш қилдик. Бунга сабаб бор. Чунки биз Голбанни марказдан ўнгга кўчирдик. Игорга раҳмат айтаман, у барқарор мавсумни ўтказди. Гарчи ўзига ноқулай бўлса-да, қўлидан келганча ўзини намойиш қила олди. Мавсум давомида кадрлар муаммоси бўлди, бу жароҳатлар билан боғлиқ. Қаранг, бугун захирамизда икки нафар 16 ёшли футболчи ўтирди. Яна бир қанча ёшлар гуруҳимиз бор. Мавсум давомида позицион камчиликлар бўлган жойларимиз бор. Буни шунчаки ҳал қилиш керак. Ушбу мавсум якунланди ва кейингиси учун тайёргарликни бошлаймиз. Айтганингиздек, ушбу қанотни кучайтирамиз, бошқаларини ҳам. Чунки келаси мавсумда уч фронтда курашни бошлаймиз. Шу сабабли сифатлироқ футболчилар керак. Журналистлар билан мавсум бошида учрашганимда ОЧЛга чиқиш асосий мақсадимизлигини айтгандим. Асосий вазифа бажарилди. Худо хоҳласа, ОЧЛ ўйинларини ушбу стадионга олиб келамиз. "Навбаҳор" бунга ҳақли. Қолганлари эса йўл-йўлакай ҳал қилинади. Биз босқичма-босқич ривожландик, сўнгги 7 ўйинни ажабтовур ўтказдик. Ўйиндан-ўйинга жамоа сифатлироқ ўйин кўрсатиб борди. Сўнгги тургача чемпионликни аниқлаб бўлмайдиган даражага олиб келдик. Бундай ҳолатни одамлар орзу қилишади. Мана нима учун ишлашимиз керак. Келаси мавсумда бундай бўлмайди. Фақатгина чап қанот эмас, бизда барчаси кучли бўлади. Биз сўнгги бир неча йил давомида бир таркиб билан ўйнаётган жамоаларга қарши курашдик. Бугун чемпион бўлган "Пахтакор" сўнгги йиллар давомида бир таркибни ушламоқда. "Насаф" эса ўша таркиб билан ўйнамоқда. Улар билан жанг олиб бордик. Баъзида омадимиз келмади.

- Бизнинг маҳаллий ёш футболчиларимиз асосий таркибга киришга қийналишди.

- Ёшлар учун қишда йиғинлар ташкил қилинди. Ҳеч нима сунъий бўлгани йўқ. Барчаси табиий кўриниш олди. Бугун Мўйдинов майдонга тушди, у жамоанинг келажаги. Эртага Искандеров кетса, ўрнига у ўйнайди. У маҳаллий футболчимиз. Бугун Асад майдонга тушди ва жуда фойдали ўйнади. Жўрабоев ҳам зўр ўйнади. Барчаси тўғри йўналишда давом этмоқда. Бугун мавсумда илк марта бир ўйинда 3та гол урдик. Ресурслар камлиги учун кўплаб ўйинларда кичик ҳисобларда ютдик. Асосий жамоа билан ишлаётган ёш футболчилар гуруҳи бор. Улар келаси йили жамоа билан йиғинларда қатнашади. Насиб қилса, асосий таркибда майдонга тушишади. 

- Келажакдаги режаларингиз.

- Мавсум ўртасида имзоланган шартномам бор. Мени бир қизиқ принципим бор - қаерда бўлсам ҳам жамоам чемпионлик учун курашади. Шу сабабли раҳбариятдагилар менинг вазифамни амалга ошишида қаттиқ ҳаракат қилди. Агарда шундай вазифа бўлсагина ўз шартномамга содиқ қоламан. Футболчиларни жамоага таклиф қилиш, олиб келиш бобида менда ҳеч қандай муаммо йўқ. Аммо шуниси борки, буниси жуда муҳим. Мен хурсанд бўляпманми, демак, мухлисларни ҳам хурсанд қилишим керак. Балки бир мавсумнинг ўзидаёқ асосий вазифани бажаришимиз мумкин эди - ҳам кубок, ҳам чемпионлик. Бўлиши мумкинмиди? Ҳа. Бунга бир қадам қолганди. Демак, мухлислар олдида қарзимиз қолиб кетди. Шу сабабли ваъда бераманки, ушбу мухлислар ҳали кўп хурсанд бўлишади.

- Деярли барча мураббийлар "Навбаҳор"да ишлашни исташади, худди овга чиққандек. Бу иштиёқ бошқаларга қандай келади?

- Илк навбатда айтишим мумкинки, фаолиятимни "Навбаҳор"да бошлаганман. Ўзбек футболининг байроқдори "Навбаҳор" раҳбариятида ишлаб, мураббийларга ҳам ёрдам берганман. Ўтган мавсумда "Навбаҳор" 10-ўринга тушиб қолиб, ҳолатни оғирлаштириб қўйгани учун ҳолатни тўғирлаб қўйиш керак эди. Ўшанда "Навбаҳор" мухлислар эътиборидан четда қолаётганди. Менинг вазифам эса жамоани олдинги ҳолатига қайтариш бўлди. Бу ерда 25 ёшлигимда ишлаганман. Устозим Виктор Жалилов. Ажойиб футболчилар билан ишлаганман, омадим келган дейишим мумкин. Ҳозир ҳам ўқитувчим ёнимда. Шу сабабли шунчаки олдинги хурсандчиликни шу ерга қайтаришни истадим. 

- Жамшид Искандеров ҳужумчиларни тўп билан таъминлашда ажойиб ўйнамоқда. Унинг ажойиб паслари ва зарбалари бор. Балки уни ҳужумда синаб кўриш керакдир.

- Бу фикрингизга қўшилмайман. Ҳужумда ўйнаши учун унда гавда йўқ. Жамшид - жамоавий футболчи. Тушундингиз-а? Бундай футболчиларнинг атрофида ўйин қурилади. Айни дамда у чемпионатнинг энг яхши футболчиларидан. Музокаралар вақтида уни Кореядан қайтаришдан олдин унга "Навбаҳор"нинг брендини қайтаришни, шунингдек, терма жамоа учун лойиқ футболчи эканлигини исботлаши кераклигини айтдим. Бугун мухлислар ва мутахассислар кўряптики, у ҳозир энг иқтидорлиларидан бири. Шомуродов, Шукуров, Машарипов авлодидаги футболчи. Баъзи мухлислар шунчаки Искандеровнинг ўйинини томоша қилиш учун ҳам келишади. Бу ҳам яхши фактор.

- Ярим финалда "Сўғдиёна"га қарши ўйиндаги пенальтилар сериясида илк зарбани Рустам Ашурматов берди. Бу мураббийлар кўрсатмасимиди ёки футболчининг ташаббуси?

- Фаолиятимда жуда кўп пенальтилар серияси бўлган. Миллий термада, "Пахтакор"да. 2004 йилги Осиё кубогида ярим финалга чиқишимиз мумкин эди. Ҳамдўстлик кубогида шу фактор билан бир неча ўйинларни бой берганмиз. Бунинг учун нима қилиш керак. Шу сабабли бундай ўйинлардан олдин пенальтилар бобида ишлаш керак. "Пахтакор" билан 2007 йил пенальтилар сериясида ғолиб бўлиб, кубокни олганимиздан кейин бу борада кўп ишлай бошладик. Ҳар бир футболчи пенальтини қандай тепиш кераклигини аниқ билиши керак. Барчага буни бўлиб бердик. Агарда "Насаф" билан ўйинни ҳам серияга олиб борганимизда, аниқ финалда ютган бўлардик.

- "Металлург"га қарши ўйинда футболчилар шунчаки касал бўлиши ҳам мумкин эди. Нима сабабли жамоа ёзги либосларда майдонга тушди?

- Либоснинг ичидан киядагина махсус майкалар бор. Кимдир буни кийди, кимдир йўқ. Биз форс-мажор ҳолатига тушиб қолдик, плюс майдон ҳолати ҳам панд берди. Шу сабабли барчаси характерга боғлиқ бўлиб қолди. 

- Кўплаб мухлислар фақатгина жамоа ютганидан кейин майдонни ўпишингизни танқид қилишади. Сўнгги ғалабалар давомида биз буни кўрмадик. Нимага?

- Баъзи ўйинлар шунчаки финалга тенг бўлади. Масалан, иккинчи давра бошида "Насаф"га қарши ўйин. Ажойиб майдон, ажойиб стадион. Эмоциялар билан кейинги ҳаракатларимни бошқара олмай қолдим. Бугун эса мавсум якуни. Балки кўп нарса хиссиётларга бой тарзда ўтмагандир. Шундай бўлса-да, ушбу ажойиб майдонда катта натижаларга эришиб, биргаликда қўлга киритган натижалар учун мухлислар билан хурсанд бўлдим.

Рейтинг: -31   

Фикрлар

championat.asia
< сўнгги янгиликларни кўриш
Яндекс.Метрика