UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  1 00:52Италиялик жаҳон чемпиони Қозоғистонга ташриф буюрди  2 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  13 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  11 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  33 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  25

Самвел Бабаян: "Дуранг адолатли натижа бўларди" Янгиликлар

Самвел Бабаян: "Дуранг адолатли натижа бўларди"

Coca-Cola Суперлигаси 3-туридан ўрин олган "Пахтакор" ва "Навбаҳор" (2:1) ўртасидаги марказий учрашувидан сўнг меҳмонлар устози Самвел Бабаян матбуот анжуманида қатнашди.


- Ўйин ҳақида

- Хайрли кеч. Бугун мавсумдаги энг муҳим учрашувлардан бирини ўтказдик. Дуранг кузатилса, адолатли бўлган бўларди. Биринчи дақиқадаёқ гол ўтказиб юбордик. Йигитлар ушбу кутилмаган зарбадан кейин ўзига кела олди. Қўпол хатодан кейин стандарт орқали гол ўтказиб юбордик. Четлатишдан кейин пенальти ишладик, аммо ундан унумли фойдалана олмадик. Қайтараман, дуранг бўлса, адолатли бўларди. Бу вазиятда жонинин берган футболчиларимизга ачиндим. Улар нималарга қодир эканликларини кўрсатишди. Мухлислар мағлубиятга лойиқ эмасди. 

Хатоларни тўғрилаш, хатоларни таҳлил қилиш устида иш олиб борамиз. Мавсум энди бошланди. "Навбаҳор" юқори мақсадларни кўзлаган, фақат олдинга интилишимиз керак. Бизда бошқа йўл йўқ.

- Биринчи таймда Остон Ўрунов анча яхши ҳаракат қилиб, "Пахтакор" ҳимоячиларини қийнаб қўйди. Иккинчи таймда уни захирага олдингиз. Бу тактик ўзгаришми ёки чарчоқ билан боғлиқмиди?

- Остон яхши ўйнади. Аммо иккинчи тайм ярмига келиб жисмонан чарчаб қолди. Биз ўйинга ўзгартириш киритишимиз керак эди, ютқазаётгандик. Унинг Ўрнига Собиржонобни туширдим, ўйинни у орқали кучайтирмоқчи эдик. У олдинги ўйинларда ўзини кўрсатганди, шунинг учун уни майдонга туширдик. 

- Фаррух Икромовдек тезкор қаноқ вингери турганда сиз Жасур Яхшибоев ўрнига асосан марказда яхши ўйнайдиган Аброр Исмоиловни туширдингиз. Фаррух Икромовнинг ҳозирги ҳолати "Навбаҳор" даражасига тўғри келмаяптими ёки сизни тактикангизми?

- Фаррух Икромов ўз позициясига туширилди. Унинг ҳозирги ҳолати ва сифатига шубҳа қилмайман. У эндигина жароҳатдан қайтди. Жисмоний ҳолатини тиклаб олиш учун озгина вақт керак.

- Бугунги учрашувни кўрар эканмиз, "Навбаҳор" руҳий жиҳатдан "Пахтакор"дан чўчиб ўйнагандек туюлди...

- Таблода бошқача ҳисоб бўлганида, сиз бундай демас эдингиз. Марказий баҳсда биринчи дақиқадаёқ шундай зарба қабул қилиб олиб, яна ўйинга қайтиб олиш кўп нарсани англатади.  

Биз камчиликда пенальти ишлаб олдик, ундан олдин стандартга эга бўлгандик. Бугун бизга етишмаган жиҳатлар кузатилди. Қараб чиқамиз. Жамоа яқинда тўплангани учун боғламаларда муаммо бор. Таҳлил қилиб чиқамиз. Сиз айтганингиздек, бизда ротация қилишимиз мумкин бўлган футболчилар етарлича. 

- Мураббий сифатида жамоангиз неча фоиз потенциалини ишлата олди деб ўйлайсиз?

- 3 тур ортда қолди. 70% потенциалимизни ҳам кўрсата олмадик.

- Даврон Ҳошимовга қизил карточка кўрсатилгани ҳақида...

- У биринчи ўринда ўзини, кейин эса жамоани қийин аҳволга солиб қўйди. У "Пахтакор" чап қанот ҳимоячиси провакацияга учмаслиги керак эди. У буни кўп марта қилган, бугун буни уддалади. Афсуски, Даврон қўпол хато қилди. Профессионалларча йўл тутмади, у асабини жиловлай олиши лозим эди.

Рейтинг: -58   

Фикрлар

championat.asia
< сўнгги янгиликларни кўриш
Яндекс.Метрика