UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  7 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  6 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  32 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

Самвел Бабаян: "Бугунги ғалабамизни "Пахтакор-79" хотирасига бағишлаймиз" Янгиликлар

Самвел Бабаян: "Бугунги ғалабамизни "Пахтакор-79" хотирасига бағишлаймиз"

Суперлиганинг 15-туридан ўрин олган "Навбаҳор" - "Сурхон" (2:0) учрашувидан сўнг мезбонлар бош мураббийи Самвел Бабаян матбуот анжуманида иштирок этди.

- Ўйин ҳақидаги фикрингиз қандай?

- Биринчи навбатда мухлисларни ғалаба билан табриклайман. Бугун кўрсатган ўйинлари учун йигитларимизга ҳам раҳмат деб қоламан. Сабаби бугунги ўйин биз учун қийин кечди. Бугун "Сурхон" кўрсатган ўйинни ҳам алоҳида таъкидлаб ўтиш лозим. Бугунги ғалабамизни жамоа билан келишган ҳолда "Пахтакор-79" жамоаси хотирасига бағишлашга қарор қилдик. Ушбу жамоада истеъдодли мураббий ва футболчилар жам бўлишган эди. Улар келажакда ҳам ажойиб мураббий ва менежерларга айнланишлари мумкин эди. Аслида бу фожеа бутун бир эпоханинг йўқотилишидир. Уларни доим ёдда сақлаймиз ва фахрланамиз. 

- Жамоада чап қанот ҳимоячилари бор. Аммо улар майдонга тушишмаяпти ва сиз марказий ҳимоячини қанотда ўйнатаяпсиз. Бунга сабаб нима?

- Бугунги кунда жамоамизда ким мураббийни қониқтира олса ўша майдонга тушади. Йигитлар бугун майдонда биз нимага келишган бўлсак, шуни амалга оширишди. Голбан ҳам мен берган барча вазифани бажарди. Чап қанот ҳимоячиларига келсак, уларга эътироз йўқ. Аммо ҳозирги кунда Голбаннинг ўйини бизни кўпроқ маъқул келмоқда. Ҳозирги кунда чемпионатимиздаги барча клублар футбол ўйнашни билишларини исботлашмоқда. Бундан ташқари, барча ўйиннинг сюжети турли хил кечади. Биз ҳар бир ўйинга жиддий тайёргарлик кўрмоқдамиз. Асосий вазифамиз мухлисларни хурсанд қилиш. 

- Жамоанинг келажакдаги потенциали ҳақида гапирсангиз. Келажакда бу потенциал янада ошадими? Яъни, эҳтимолий қўлга киритиладиган ОЧЛ йўлланмаси янада кучлироқ ўйинчиларни жамоага таклиф этилишига сабаб бўладими, ёки ҳозирда бор эътибор фақатгина чемпионликка қаратилганми?

- Чемпионликка келсак, бизнинг асосий вазифа барча ўйинларда мухлисларни хурсанд қилиш ва керакли натижага эришиш. Чемпионат тугаганидан сўнг эса биз якуний хулосаларга келамиз. Жамоанинг потенциалига ҳақида гапирадиган бўлсак, ёзги трансферлар ойнасида жамоага қўшилган ўйинчилар Абдуманнопов ва Яхшибоев "Навбаҳор" ўйинини кучайтирганини кўришимиз мумкин. Бу эса ёзда жамоага сифатли ўйинчилар олиб келинганини англатади. Бугунги кундаги "Навбаҳор"да рақобат кучли ва деярли барча ўйинчилар миллий терма жамоага номзод футболчилардир. Ҳар бир ўйинда рақибни ўрганиб, бор кучимизни намойиш қилишимиз лозим. "Насаф"га қарши ўйинда ҳам айтгандимдек, биз бугун ҳам учрашувнинг бошидан охиригача ўйинни тўлиқ назорат қилдик. Мана бизнинг вазифа нимадан иборат. Бунинг учун эса бизда савияли ўйинчилар етарли.

- Самвел Бабаян ўзбек футболида катта ном. Аммо "Насаф"га қарши ёки бугунги ўйинда кўряпмизки, мураббийлар сизга ҳакамга босим ўтказяпсан дегандек муносабатда бўлишяпти. Ўтган ўйинда Рўзиқул Бердиев, бугун "Сурхон" мураббийи сиз билан мулоқотга киришмоқчи бўлди. Айнан бу борада сиз ҳақингизда қанақадир салбий фикр шаклланиб қолганми?

- Рўзиқул Бердиев билан юз берган вазиятда обиқ ўйинчимиз "Навбаҳор" ўйинчисига қарши яққол фол ишлатди ва қўшимчасига Искандеров билан низода провокация қилди. Мен ўз ўйинчиларимни ҳар доим ҳимоя қиламан. Қолган гапларга келсак, мен учун ўз жамоам энг зўри. Мен қаерда ишласам ҳам жамоа учун жонимни беришга тайёр бўламан. Фақатгина шу йўл орқали натижага эришилади. Исталган яхши мураббийни танқид қилишади. Менга кимдир нимадир дейишидан кўра ўз футболчиларим муҳимроқ.

- Ўйин пайти эмоцияларингизни яшира олмайсиз. Бизда ҳозир Самвел Бабаян майдонга тушиб кетади деган таассурот пайдо бўлади...

- Йўқ, мен майдонга тушиб кетмайман. Агар бундай қилсам бу ҳакамлар томонидан жазоланади. Жамоам ўйинини ҳиссиёт билан бошқаришимга сабаб мен айнан шу кайфиятни футболчиларимга ўтказаман. Майдонда жанг бўлаётган пайт мен ўзимни хотиржам тута олмайман. Ўзимдаги энергияни йигитларга ўтказишим керак.

Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика