Самарқанд шаҳри "Эл Классико" ҳақидаги видеоролик манзили бўлди

"Эл-Классико" футбол тарихидаги энг қайноқ бахслардан бири саналади. Ла Лига томонидан "Ал Мумтоз"ни янада оммалаштириш мақсадида бир неча халқаро лойиҳалар амалга ошириляпти.

Шундай лойиҳалардан бири айнан бизнинг юртимизга ҳам кириб келди.

"Эл-Класико"ни дунёнинг барча нуқталаридан муҳлислар томоша қилишини кўрсатадиган видеороликда Ява ороллари, Кениядаги Маасаи қабилалари, Германиядаги Айбзе кўли билан бир қаторда афсонавий ва гўзал Самарқанд шаҳри ҳам иштирок этган. Роликда дунёнинг барча гўзал нуқталарида "Эл-Классико"ни томоша қилиш учун махсус марказлар ташкил қилингани акс этган.

Ла Лиганинг Марказий Осиёдаги вакили ва Самарқанддаги лойиҳанинг ташаббускори Хаис Раҳмони қуйидаги фикрларни билдирди:

"Биз бундай катта ўйинлар орқали инсонлар ва турли маданиятларни бирлаштиришни мақсад қилганмиз. Бутун дунёдаги испан футболи мухлислари Ўзбекистоннинг нақадар гўзал юрт эканлигини шу ролик орқали билиб олишлари, шу билан бирга маҳаллий муҳлисларни шундай катта ўйинлар орқали ўз шаҳарларига қизиқишларини оширишни мақсад қилганмиз".

Испания ҳукумати мухлисларнинг стадионларга киришини таъқиқланган бўлса ҳам, Ла Лига ишқибозларга ўзларини ҳудди стадионда тургандек ҳис қилишлари учун барча шароитларни яратган. Ўйинчиларни йирик планда кўрсатувчи ракурс айнан шулар жумласидандир. Ла Лига транслацияларидаги янги график дизайндаги кадрлар, статистик маълумотлар мухлисларга худди реал ҳаётдагидек таассуротлар беришига қаратилган. Дронлар ва бошқа воситалардан олинган тасвирлар ҳам айнан шунга қаратилган.
Ушбу ўйинга икки ҳафта қолганда 22 та халқаро ижтимоий тармоқ каналлари ўйин ҳақида маълумотлар беришни бошлаб юборишган. Улар умумий ҳисобда 130 миллион обуначига эга.