Салоҳ қачон сафга қайтиши маълум бўлди
10 май 2019 23:55
Янгиликлар

Салоҳ қачон сафга қайтиши маълум бўлди

Мисрлик форвард Муҳаммад Салоҳ АПЛнинг якуний 38-турида майдонга қайтади, дея хабар беради «Ливерпуль» расмий сайти.

Манбанинг хабар беришича, Салоҳ «Ньюкасл»га қарши (2:3) баҳсда бошидан олган жароҳатидан фориғ бўлган. Мия чайқалиши сабабли, ҳужумчи ЕЧЛнинг ярим финал «Барселона»га қарши жавоб баҳсини (4:0) ўтказиб юборганди.

Шунингдек, қайд этилишича, каталонияликлар билан ўйинда соғлигидаги муаммолар туфайли захирага олинган мерсисайдликлар ҳимоячиси Эндрю Робертсон ҳам сафга қайтган. «Қизиллар»нинг бразилиялик футболчиси Роберто Фирминонинг эса қачон таркибга қўшилиш ҳозирча маълум эмас.

Эслатиб ўтамиз, «Ливерпуль» – «Вулверхэмптон» ўртасидаги чемпионатнинг сўнгги тур учрашуви 12-май куни Тошкент вақти билан 19:00да бошланиши керак.

Ҳавола :

Манба : LFC

Янгиликларни Телеграмда ўқинг!

Рейтинг: +38