Руни фонди Манчестердаги болалар касалхоналарига 1,2 млн. фунт ажратди
20 янв 2017 18:14
Янгиликлар

Руни фонди Манчестердаги болалар касалхоналарига 1,2 млн. фунт ажратди

Теглар : Уэйн Руни

2016 йилнинг август ойида "Олд Траффорд" стадионида "Манчестер Юнайтед" ҳамда "Эвертон" ўртасида Уэйн Рунининг МЮдаги 12 йиллигига бағишланган хайрия учрашуви бўлиб ўтган эди.

Чипталардан тушган пул Уэйн Руни фондига тушиши ва улар Манчестердаги бир нечта болалар касалхоналарига ажратилиши керак эди.

Маълумотларга кўра, ўша баҳсдан 1,2 млн. фунт фойда тушган. Барча пуллар касалхоналарга ҳадия қилинди.

"Ўша учрашувга келиб, ўйинни ўзгача ўтишига ёрдам берган барчага раҳмат айтаман. Оғир ҳолатда бўлган болаларга ёрдам бериш учун етарли даражада пул тўпладик. Бу уларнинг ҳаёти учун катта аҳамиятга эга" - дейди Руни.

2017 йилда Уэйн Руни фонди 5 млн. фунт ишлаб, бу пулларни хайрия қилишни режалаштиряпти.

Ҳавола :

Манба : championat.com

Янгиликларни Телеграмда ўқинг!

Рейтинг: +5