Рўзиқул Бердиев ва Вадим Абрамов футболчиларимизни қўллаб-қувватлаш учун Таиландга боради
16 янв 21:45
Янгиликлар
Рўзиқул Бердиев ва Вадим Абрамов футболчиларимизни қўллаб-қувватлаш учун Таиландга боради
Вакилларимиз ушбу босқичда 19 январь куни БАА жамоасига қарши баҳс олиб боради.
Ўзбекистон Миллий олимпия қўмитаси томонидан футболчиларимизни ҳар томонлама қўллаб-қувватлаш мақсадида яна катта мухлислар гуруҳи шакллантирилмоқда. Айни пайтда Таиландда Тошкент, Урганч, Бухоро, Андижон, Асака, Қарши, Фарғона, Наманган каби кўплаб шаҳарлардан ташриф буюрган мухлислар, «Қўқон-1912» клуби директори ва бошқа бир қатор футбол мутасаддилари, ашаддий мухлислар жамоамизни қўллаб-қувватламоқда. Бу ўзбек футболи мухлисларининг ўзига хос янги тўлқини, миллий спорт ғоясидир. Аҳамиятлиси, мана шундай мухлислар орасида таниқли мураббийларимиз Рўзиқул Бердиев ва Вадим Абрамовнинг ҳам Бангкокка ташриф буюриши кутилмоқда.
Маълумки, Ўзбекистон Олимпия терма жамоаси таркибида “Насаф” (10) ва “Бунёдкор” (5) клубларининг ўйинчилари кўпчиликни ташкил қилади. Бердиев ва Абрамовнинг Таиландга келишидан асосий мақсад футболчиларимизни қўллаб-қувватлаш ва уларни янада руҳлантиришдан иборатдир. Мураббийлар 18 январь куни Бангкокка етиб келишади.
Таъкидлаш жоиз, ҳар икки мутахассис ОТЖ мураббийлар штабининг фаолиятига асло аралашмайди. Терма жамоамиз Любинко Друлович ва Равшан Ҳайдаров бошчилигида бўлажак баҳсга тайёргарликни давом эттиради. Бердиев ва Абрамов эса учрашувдан олдин ўз шогирдларига руҳий далда бериш ва уларни қўллаб-қувватлаш учун келишмоқда.
Ўхшаш янгиликлар
championat.asia
ОЧЛ. "Пахтакор" "Шаҳр Ходро"ни йирик ҳисобда мағлуб этди
Ла Лига. "Реал" ўз уйида аутсайдерни мағлуб қилолмади
Вазият жиддий. "Манчестер Сити"ни яна бир қанча кескин жазолар кутмоқда. Кейинги мавсум дерби бўлмаслиги мумкин
Ўзбекистон миллий терма жамоаси БAAга йўл олди. Икки футболчи йиғинга бора олмади
Фикрлар
Jamoamiz guruhda uchala o'yinni ham deyarli bir xil tarkib bilan o'tkazdi va bu tarkib charchagani aniq. Endi tarkibda jiddiy o'zgarishlar qilishimiz kerak. Chunki, raqibimiz BAA guruh o'yinlarida deyarli bir xil tarkib bilan o'tkazgan tarkibimizni allaqachon o'rganishni boshlab yuborgai aniq!
Shuning uchun chorak final o'yinida tarkibda yaxshigina o'zgarishlar qilgan holda raqibimiz BAAga kutilmagan "sovg'a" qilishimiz kerak. Aks holda yutishimiz yanada qiyin bo'ladi. Sharof Muhiddinov, Islom Kenjaboyev, Mirjahon Mirahmadovlarni asosiy tarkibda tashlashimiz kerak.