Рўзиқул Бердиев "Обод" - "Насаф" (0:6) учрашуви келишилган деганларга жавоб берди
08 окт 2017 13:43
Янгиликлар

Рўзиқул Бердиев "Обод" - "Насаф" (0:6) учрашуви келишилган деганларга жавоб берди

"Насаф" бош мураббийи "Насаф" келишилган ўйинларда иштирок этмаганлигини маълум қилди.

- Куни кеча ПФЛ сайтида "Обод" - "Насаф" (0:6) учрашуви келишилган деб гумон қилингани ҳақида хабар чиқди. Бунга "Насаф" мураббийи сифатида қандай изоҳ берасиз?
- Қайси жамоа нима қилганини ўша компания билади. Уларда тегишли маълумот бўлса керак. Бу ерда "Насаф"нинг ҳеч қандай алоқаси йўқ. Биз бундай ўйин ўйнамаганмиз ва ўйнамаймиз ҳам.

Агар шундай ўйин бўлганида ҳисоб бундай бўлмаслиги мумкин эди. Тўғрими? Уларга 6:0 нимага керак? Биз майдонга тушдик ва ўз ўйинимизни ўйнадик. Бу ерда "Насаф"ни ёки "Сўғдиёна"ни алоқаси бўлмаса керак. Ўша компанияга кимлар чиққанини, қанақа ўйин қилгани фақат уларга аён. Лекин мен ишонтириб айтаманки бунга "Насаф"нинг ҳеч қандай алоқаси йўқ. Уёқда нима бўлди бизга қоронғу", - дейди Рўзиқул Бердиев.