Рўзиқул Бердиев: "Мухлисларимиз ва футболчиларни бронза медали билан табриклайман"

"Мухлисларимизни, футболчиларимизни ва барча ходимларни бронза медали билан табриклайман. Бугун "Насаф" футбочлилари ўз савиясида ўйнашди, айнан шу боис ғалаба қозондик. Йигитларимиз анча дадил ўйнашди.

"Сўғдиёна" жамоаси олдинги йилларга қараганда анча барқарор ўйнади, йигитлардаги иштиёқ анча катта эди. Фақат бугун эмас бутун мавсум давомида яхши ўйнашди. Йирик ғалабага осонлик билан эришганимиз йўқ. Тезкор иккита гол урганимиз бизга қўл келди.

Жиззах клубида ҳимоя чизиғида ва ҳужумда бир нафар футболчи бўлса бундан ҳам кучайган бўларди. Шароф Муҳиддинов ва Азиз Ғаниев каби футболчиларнинг келажаги ёрқин. Улар ўз устиларида ишлашда давом этишса Ўзбекистонга фойда келтирадиган футболчи бўлиб етишишади", - дейди Рўзиқул Бердиев.

"Насаф" матбуот хизмати