Рўзиқул Бердиев: "Ҳужум чизиғимизда муаммолар кўзга ташланаяпти"
05 апр 2023 22:39
Янгиликлар

Рўзиқул Бердиев: "Ҳужум чизиғимизда муаммолар кўзга ташланаяпти"

Теглар : Рўзиқул Бердиев "Қўқон-1912""Насаф"

Ўзбекистон кубоги гуруҳ босқичининг 1-туридан ўрин олган "Қўқон-1912" - "Насаф" (0:1) учрашувидан сўнг меҳмонлар бош мураббийи Рўзиқул Бердиев матбуот анжуманида иштирок этди.

Ўйин ҳақида

- Бугун ҳужумкор футбол намойиш этдик. "Қўқон-1912" позицион ҳужумларда ҳаракат қилди ва дарвозамизни ишғол қилишга уринди. Бироқ биз ҳимояда яхши турдик ва рақибга гол уриш учун имконият тақдим этмадик. Юзага келган вазиятимиздан гол уриб ғалабани қўлга киритдик.

Кўрдинглар, бугун имкон қадар ўйин амалиёти кам бўлган футболчиларни майдонга туширдик. Улар ёмон ҳаракат қилишмади деб ўйлайман.

- Эрондан қайтиб келган Азизбек Амонов жамоага киришиб кета олмаяпти. Бунга нима сабаб деб ўйлайсиз?

- Тўғри, Амонов ҳозирча биз кутган ўйинни намойиш этиб бера олмаяпти. Бизда Лима Круз ҳам сафга қайтди, эндиликда улар ўртасида рақобат кечади.

Ҳужум чизиғимизда муаммолар кўзга ташланаяпти. Ҳужумгача яхши ҳаракат қилаяпмиз, бироқ сўнги нуқтани қўйишда камчиликларимиз бор. Бу борада машғулотларда қаттиқ ишлаяпмиз, аммо шу муаммо барибир кўзга ташланиб турибди.

Ҳавола :

Манба : championat.asia

Янгиликларни Телеграмда ўқинг!

Рейтинг: +1