UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  7 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  6 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  32 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

Рўзиқул Бердиев: "Ҳакам "Андижон"нинг ғалабасига ҳаракат қилишини сезиб тургандим. Бундай майдонда бизнинг футболни ўйнаб бўлмайди" Янгиликлар

Рўзиқул Бердиев: "Ҳакам "Андижон"нинг ғалабасига ҳаракат қилишини сезиб тургандим. Бундай майдонда бизнинг футболни ўйнаб бўлмайди"

Суперлиганинг 23-туридан ўрин олган "Андижон" - "Насаф" (1:1) учрашувидан сўнг меҳмонлар бош мураббийи Рўзиқул Бердиев фикрларини билдириб ўтди.

"Биз бугун рақиб билан ҳам, майдон билан ҳам курашдик. Йигитларга асосий берган кўрсатмамиз курашни бой бермаслик эди. "Андижон" кўпроқ стандартларга эътибор қаратади. Бундай вазиятларда эътиборлироқ бўлишимиз керак эди. Афсуски биринчи голни айнан стандартдан ўтказиб юбордик. 1:1 бўлаётган паллада ҳам кўрдинглар иккита қулай имконият юзага келди. Голли вазиятимизда ҳакам нима учун бундай қарор қабул қилди, тушунмадик. Лекин тоза голимиздан маҳрум қилишди. Учрашув ҳаками "Андижон" жамоасининг ғалабаси учун кўп ҳаракат қилишини сезиб тургандим. Буни амалда ҳам кўрдинглар. Биринчидан ҳаққоний голни инобатга олгани йўқ, иккинчидан пенальти йўқ эди. Усмоналиев эмас, кейинги ўйинчи ўйиндан ташқари ҳолатда қолганди. Нима учундир яна қайтадан тептирди. Бу ҳакамларнинг виждонига ҳавола",- дейди Рўзиқул Бердиев. 

- Азиз Асимов "Андижон"нинг ғалабасига ҳаракат қилди, дедингиз. Агар шундай бўлганида мезбонлар дарвозасига пенальти қўйилмаган бўларди...

- Азиз олдимга келганида бор нарсани ҳакамлик қилишини айтдим. Уни ҳақорат қилганим йўқ. Пенальти бўлса бер, гол бўлса ҳисобла. Голимизни бекор қилганидан сўнг ўзимнинг фикримни билдирдим. Биз ёрдам сўрамаяпмиз, пенальтини бекор қил, демаяпмиз. Тоза голни бекор қилганда қандай қилиб норозилик билдирмаслик мумкин. Ҳакамдан бошқа нарса талаб қилаётганимиз йўқ. Ўйиннинг охиригача нимадир бўлишини сезган эдим. Футболчиларимнинг ўзлари бугун юта олмасликларини айтишди. Шунинг учун ўйинни тўхтатмоқчи бўлдик. Балки бу нарса керак бўлгандир. 

- "Насаф" жамоасини бутун Ўзбекистон яхши кўради. Керак бўлса, халқ жамоаси номини "Пахтакор"дан тортиб олди. Халқаро мусобақада ҳам барча мухлислик қилмоқда. Битта вазият учун ўйинни тўхтатиб, минглаб мухлислар олдида жамоангизни олиб чиқиб кетмоқчи бўлдингиз...

- Сиз бизни муҳокама қилманг. Халқ меҳрини ўз меҳнатимиз, сиёсатимиз, ўйинимиз билан қозондик. Бизга меҳрни ҳеч ким бериб қўймади. Ўзимизнинг бундай тутишимиз сабабини исботи билан айтиб бердим. Бунга чидаш қийин. 

- "Насаф" футболчилари бугун финални ўйлаган ҳолда ўйнадими?

- Финалгача анча бор. Биз буни ўйламадик. Қолаверса кубок баҳси кутиб турибди. Айрим футболчиларда чарчоқ аломати борлиги учун дам беришга қарор қилдик. Олдимизда ўрин эгаллаш мақсади турибди. Чарчоқ бўлса ҳам максимал ўйнашга ҳаракат қилдик. Бундай майдонда бизнинг футболни ўйнаб бўлмайди. Баҳона қилмоқчи эмасман. 

- Дастлаб Секейра, кейин эса Питер Хюистра майдонлар, ўзбек футболи ўляпти, деган фикрларни эшитмоқдамиз. Сиз маҳаллий мураббий сифатида қандай қарайсиз? 

- Тўғриси кеча майдон ҳолатини кўриб ачиндим. Майдон янгиланганда биринчи келиб ўйнагандик. Икки йил ичида бундай ҳолатга тушиб қолгани ачинарли. Шароитларни тўғирлатишимиз керак. Секейра ёки Хюистранинг гапларини муҳокама қилмайман. Лекин кимдир қаердадир хато гапиргандек туюлди . Шароитларни гапиришгани яхши. Лекин мисол келтириш ноўрин.

Рейтинг: +67   

Фикрлар

championat.asia
< сўнгги янгиликларни кўриш
Яндекс.Метрика