Рўзиқул Бердиев: “Футболчиларимиз яхши кайфиятда ва эртанги баҳсга тайёр”

- Гуруҳимизда ҳозирча “Ал Жайиш” жамоаси етакчилик қилмоқда.Икки ўйинда 6 очко жамғаришди. БААнинг бугунги кундаги энг кучли жамоаси “Ал Айн”дан олти очко олиш бу “Ал Жайиш”нинг кучидан далолат бериб турибди. Биз жамоа иштиркидаги ўйинларни кўриб чиқдик. Жамоа тартибли ўйин кўрсатади ва индивидуал жиҳатдан кучли футболчиларга эга. Қарши ҳужумлардан ҳам самарали фойдаланишга интилишади. Биз эртанги ўйинда ўзимиз учун ижобий натижани қўлга киритиш учун ҳаракат қиламиз. Таркибимизда йўқотишлар йўқ. Барча футболчилар яхши кайфиятда ва эртанги баҳсга тайёр.

-2014 йилги ОЧЛ плей офида ҳам “Ал Жайиш” билан “Насаф” тўқнаш келган ва жамоангиз мағлуб бўлганди. Ўша “Насаф” билан ҳозиргисини таққослаганда қайси томонлама жамоа илгаришиси билан фарқланади?
-Менимча, ўтган йиллар давомида ҳар иккала жамоа таркибидаям катта ўзгаришлар бўлган. Жамоамизда ижобий ўзгаришлар бор. Эртанги икки йил олдинги баҳсдан тубдан фарқ қилади. Буни эртанги баҳсда кўриб кузатамиз.

-Гуруҳдан кейинги босқичга чиқишда қайси жамоаларнинг имкониятини юқори баҳолайсиз?
-Ўтган ўйинлар кўрсатдики, барчада имконият юқори. Албатта, иккита ғалабадан кейин “Ал Жайиш”нинг имконият бошқараларга қараганда яхшироқ. Лекин ўйлашимча, плей оффга чиқиш учун кураш сўнгги турларгача кескин кечади.