UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  10 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  6 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  32 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  25

Рўзиқул Бердиев: “Етакчи ўйинчиларимизни қўйиб юбораверсак, уларнинг ўрнини қандай тўлдирамиз?” Янгиликлар

Рўзиқул Бердиев: “Етакчи ўйинчиларимизни қўйиб юбораверсак, уларнинг ўрнини қандай тўлдирамиз?”

“Насаф” – “Қизилқум” назорат учрашуви якунига етгач, Рўзиқул Беридев билан тайёргарлик жараёни, олдиндаги режалар, таркибни кучайтириш бўйича олиб борилаётган ишлар тўғрисида суҳбатлашдик.

- Янги мавсум тайёргарлигини 3 январь куни бошлаган эдик, мана бугун икки ҳафталик ўқув-йиғин машғулотларимизни дастлабки қисмини, назорат учрашуви билан якунладик. Дастлабки босқичдаги асосий эътибор жисмоний тайёргарликка қаратилди.

Янги чемпионатга тайёргарликнинг навбатдаги иккинчи босқичини 20 январь кунидан яна Қаршида давом эттирамиз, бу босқич 2 феврал кунигача  давом этади. Бу босқичда ҳам назорат учрашувлари ўтказишни режалаштирганмиз. Клубимиз раҳбарияти имкон яратиб берса, учинчи босқич тайёргарлигини Туркияда давом эттирмоқчимиз. Чунки, бизда февралдаги об-ҳаво, тўлиқ машғулот ўтказишга ноқулайроқ ҳисобланади.

Айни пайтда биз билан бирга бошқа жамоаларда тўп тепган кўплаб ёш футболчилар машғулотларимизда иштирок этишаяпти, буларни биз кўрикдан ўтказаяпмиз. Имкониятларини чамалаб кўраяпмиз. Бизни қониқтирганларни, сафимизда олиб қоламиз.

Бизнинг аксарият асосий таркиб ўйинчиларимиз терма жамоаларга жалб этилган. Тайёргарлигимиз уларсиз давом этаяпти. Тўғри, улар ҳам терма жамоаларимиз машғулотларида иштирок этишаяпти. Таркибимизга қўшиладиган янгиларни тезроқ жалб этиб, асосий эътиборимизни жамоавий ўйинимизни шакллантиришга қаратишимиз керак. Ўзингизга маълум, футболчилар бир-бирларини тушуниб олиб, жамоавий ўйинга мослашиши, маълум вақтни талаб қилади. Қолаверса, янги чемпионатнинг бошланиши ҳам тобора яқинлашиб келаяпти.



Энди таркибдаги ўзгаришлар ҳақида тўхталсам. Ҳозирча, жамоамизни расман Мақсуд Каримов ва Сайдулло Раҳматов тарк этишди. Санжар Қувватовни “Пахтакор” билан ўзаро келишувга эришганлиги ҳақида гаплар тарқалди. Аммо буни тўғри ёки нотўғрилигини тасдиқлай олмайман. Чунки, футболчимиз анчадан буён миллий терма жамоамиз билан бирга бўлганлиги сабаб, ўзаро гаплашганимиз йўқ.  

Жамоамизнинг аввалги йиллардаги мавқиени тиклашимиз учун, имконият даражасида таркибимизни кучайтиришимиз талаб этилади. Тўғри, ўтган чемпионатнинг иккинчи ярмидан бошлаб, биз кўплаб ёш ўйинчиларимиз хизматидан фойдаланишга мажбур бўлдик. Бу эса уларни катта футболда тажриба тўплашига сабаб бўлди. Энди биз бу футболчиларимизни жамоамизда сақлаб қолишимиз керак.

Биз кўплаб тажрибали ўйинчиларни йўқотдик. Агар биз яна етакчи ўйинчиларимизни бошқаларга бериб юбораверсак, уларни ўрнини қандай тўлдирамиз? “Насаф”дек клубни сиёсати ёки нуфузи нима бўлади?

Жамоамизга легионер футболчилар ҳам керак. Аммо бизни ўртамиёна легионер футболчилар умуман қониқтирмайди. Бу даражадаги легионер футболчини олиб, ўзимизни интилувчан ёшларимизни йўлини тўсиб қўйиш ҳам тўғри эмас. Геворкян, Черан ёки Голбандек легионерлар бўлсагина, жамоамиз ўйинларини янада кучайтира олиши мумкин – дейди Рўзиқул Бердиев.

Рейтинг: +30   

Фикрлар

championat.asia
< сўнгги янгиликларни кўриш
Яндекс.Метрика