UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  10 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  7 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  32 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  25

Рўзиқул Бердиев: "Агар терма жамоа режаларини бузиб қўймаса футболчиларимизни "Бунёдкор" билан ўйин учун сўраб турамиз" Янгиликлар

Рўзиқул Бердиев: "Агар терма жамоа режаларини бузиб қўймаса футболчиларимизни "Бунёдкор" билан ўйин учун сўраб турамиз"

Тунда "Championat.asia"да Нодирхўжа Юлдашевнинг мақоласи чоп этилган эди.

Рўзиқул Бердиев ва Славча Войнескининг ЎФАга "айта олмаётган" гаплари!

Ана шу мақола юзасидан "Насаф" бош мураббийи Рўзиқул Бердиев билан боғландик ва унинг фикрлари билан қизиқдик. Қуйида "аждарлар" устозининг юқоридаги мавзу ҳақида билдирган фикрларини эътиборингизга ҳавола этамиз.

"Биз Тимур Кападзе (Ўзбекистон U-23 терма жамоаси бош мураббийи) билан ҳамиша алоқадамиз ва ўзаро гаплашиб турибмиз. У мендан ўйинчилар ҳақида сўрайди, мен унинг режалари ҳақида сўраб тураман. Муҳим ўйинлар деб футболчиларни йиғаётгани учун биз йигитларни юборяпмиз. Лекин, Кападзедан ҳеч бўлмаса "Бунёдкор" билан ўйинга футболчиларимизни беришини сўрадим.

Биз тарафдан мени ҳам, клубни ҳам позицияси - терма жамоаларни ҳурмат қилиш ва уларни режасига қараб иш тутишимиз керак. Терма жамоалар мураббийи шундай режа қилган бўлса, биз бунга қарши чиқмаймиз, фақатгина маслаҳатлашишимиз мумкин. U-23 терма жамоасига чақирилган ўйинчиларимизни эртага бошланадиган йиғинга юборамиз. "Насаф"нинг "Бунёдкор"га қарши ўйини арафасида эса уларни ҳеч бўлмаса ўйинга олишни маслаҳатлашиб кўрамиз. Фақат бу нарса Кападзенинг режаларини бузмасагина амалга ошиши мумкин, чунки биз терма жамоалар ва уларнинг мураббийларини ҳурмат қиламиз.

Бизни позициямиз қайси терма жамоага керак бўлса ўйинчиларимизни юборамиз, гарчи ўзимиз қийин вазиятга тушиб қолишимиз мумкин бўлса ҳам. Яна бир марта такрорлайман, шогирдларимни "Бунёдкор" билан ўйинга олишимиз олимпия терма жамоасининг режаларини бузиб қўймаса амалга ошиши мумкин. Балки, улар йиғин давомида ўртоқлик ўйинлари режалаштирган бўлиши мумкин. Ҳаммасини Тошкентдаги ўйинимизга яқин бафуржа маслаҳат қиламиз".


Қаршининг "Насаф" жамоаси Суперлига 10-тури доирасида "Бунёдкор"га қарши баҳсни 24 май, сешанба куни "Бунёдкор" стадионида ўтказади. 11-тур беллашувини эса 28 май, шанба куни ўз майдонида "Динамо"га қарши ўтказади.





Муаллиф : Tolibjon Qosimov
Рейтинг: +29   

Фикрлар

championat.asia
< сўнгги янгиликларни кўриш
Яндекс.Метрика