"Ростов" Шомуродов борасида бир неча миллионлик таклиф олди

Таниқли футбол мутахассиси Алишер Никимбаев телеграмдаги ўз каналида россиялик ҳамкасби томонидан Шомуродов борасида айтилган маълумотни тақдим этди.

- "Ростов" Осиё Кубогидан кейин Шомуродов борасида таклиф олган. Гап бир неча миллион ҳақида кетмоқда. Шомуродов Валерий Карпин ўйин услубига у қадар мос тушмаяпти. Бундан ташқари ҳозир Элдорда асосий таркиб учун бир қатор рақобатчилар бор. Шундай экан, агар таклиф 5-6 миллион атрофида бўлса "Ростов" уни трансферига рози бўлиши мумкин. Аммо бундай таклифни фақат Осиё клублари беришлари мумкин. Европада ҳеч ким Россия чемпионатида доим ҳам асосий таркибда ўйнамаган футболчи учун бунча пул тўламайди, - дейди Никимбаевнинг россиялик ҳамкасби.

Эслатиб ўтамиз, Элдор Шомуродов Осиё Кубоги-2019да 4та ўйинда 4та гол уришга эришди.