Россия терма жамоаси CAFA мусобақасида қатнашадими?

Бу ассоциация таркибига Ўзбекистон, Эрон,  Қирғиз Республикаси, Тожикистон, Туркманистон ва Афғонистон киради.

"Россия терма жамоаси сентябрь ойи бошида бўлиб ўтадиган CАФА мусобақасига таклиф олди, аммо Карпин жамоасининг унда иштирок этиши даргумон. Турнир тўртта ўйиндан иборат зич тармоқни ўз ичига олади. РФИ эса ушбу халқаро ойнада иккита ўртоқлик ўйини ўтказишга эътибор қаратган.

Қолаверса, бошқа жамоалар билан ҳам дастлабки келишувлар мавжуд ва 6 октябрь куни Эрон билан уй учрашуви бўйича ҳам амалда келишиб олинди. Россия томони Эрон терма жамоаси билан икки ой ичида иккита учрашув ўтказишни режалаштирмаяпти. Шу сабабларга кўра, Россия терма жамоасининг CAFA турниридаги иштирокини бундай тақвимга сиғдириш қийин", – деди вазиятдан хабардор манба.

CAFA 2025 йил сентябр ойида ўз тарихидаги иккинчи Миллатлар Кубогини ўтказишни режалаштирмоқда. Ўзбекистон мезбонлик қилган 2023 йилги турнирда Уммон меҳмон жамоа сифатида иштирок этган. Мусобақада Эрон ғолиб чиққан.