Россия футбол сайти Ўзбекистон терма жамоаси ўйинини "ғамгин ўйин" деб атади

Мақола муаллифи Голландия, Уэльс, Италия, Словакия, АҚШ, Чили, Камерун ва Ўзбекистон миллий терма жамоаларининг нима учун жаҳон чемпионатига чиқа олмаганини сабаблар билан келтириб ўтган.

Масалан, Голландиянинг чиқа олмаганига авлодлар алмашинуви, Уэльсга Бэйлнинг жароҳат олгани, Словакияга регламент ғалати келгани, Италияга мураббийнинг ўзбошимчалиги, АҚШга аутсайдер жамоадан мағлуб бўлгани, Чилига ўйинчиларнинг спиртли ичимлик истеъмол қилгани, Камерунга эса доимий жанжаллар халақит бергани айтиб ўтилган.

Ўзбекистон терма жамоасининг жаҳон чемпионатига йўл ола билмаганини эса рус футбол сайти "ғамгин ўйин" туфайли деб атади. Улар бизга шундай баҳо беришган: Ўзбекистон саралашнинг иккинчи раундини ажойиб тарзда ўтказди: еттита ғалаба ва атиги бир мағлубият. Жамоа кейинги босқични ҳам яхши бошлади, бироқ қайсидир вазиятларда ўзига ўхшамай қолди. Ўзбекистоннинг Сурияга мағлуб бўлиши умуман кутилмаган ҳол бўлди. Охирги Жанубий Корея билан кечган баҳсда эса ўта ғамгин (маъюс) футбол намойиш этишди. Натижада бу жамоа тўплар нисбатига кўра Сурияни учинчи ўринга ўтказиб юбориб, ўзи тўртинчи ўрин билан чекланди.