Роналду зилзиладан жабр кўрган болакайга футболкасини юборди

Апрель ойида Непалда бўлган кучли зилзила пайтида 13 ёшли Жетин Шреста Криштиану Роналду футболкасида футбол ўйнаётган эди. Ушбу табиий офат оқибатида 5000 дан ортиқ инсонлар оламдан кўз юмди.

Ушбу сурат муаллифи Омар Хавана ва журналист Маргарита Мота бўлиб ўтган воқеадан Роналдунинг агентини бохабар этади.

Бир неча кун олдин Жетин ўз ўйига келганида унга қандайдир совға беришади. 13 ёшли болакай совғани очиб кўрганида ҳайратдан қотиб қолди. Футболкада қуйидаги сўзлар ёзилган эди: "Жетин кучли бўл, мен Криштиану Роналду сенга энг яхши ниятларни тилайман".

"Бир кун келиб "Реал"да ўйнайман, чунки футболни яхши кўраман" - дейди Жетин.