UZ

Сўнгги янгиликлар

03:19Эрон Про лигаси. "Трактор" ўз уйида ғалабага эришди, Ҳамробеков бир бўлим ҳаракат қилди  0 03:10А Серия. "Ювентус" "Кальяри"ни, "Милан" "Лацио"ни мағлуб этди  1 03:03Саудия Арабистони Қирол кубоги. "Ал Ҳилол" ва "Ал Иттиҳод" ўз рақибларини йирик ҳисобда мағлуб этди  0 03:00АПЛ. "Тоттенхэм" Лондон дербисида "Фулхэм"га мағлуб бўлди  1 02:57Ла Лига. "Атлетико" ўз уйида Серлотнинг дубли эвазига "Реал Овьедо"ни қийинчиликсиз мағлуб этди  0 02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0 00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  1 00:45Суперлига. "Қизилқум" - "Шўртан" 3:3   0 00:07Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!  56 23:35Суперлига. "Навбаҳор" – "Пахтакор" 1:1  0 23:14Лига 1. "Монако" ўз уйида ПСЖни мағлуб этди  7 22:24Ла Лига. "Барселона" "Камп Ноу"да "Алавес"ни мағлуб этди  49 22:05АПЛ. "Манчестер Сити" 90+1 дақиқада Фоден томонидан урилган гол эвазига "Лидс"ни мағлуб этди, Ҳусанов захирада қолдирилди  18 21:49Акмал Рустамов: "Келаси йил кучлилар орасида бўлишни хоҳлаймиз"  1 21:19Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"  1

Роналду ва Бензема "Арсенал"га, Варди "Реал"га ўтиши мумкин эди... Янгиликлар

Роналду ва Бензема "Арсенал"га, Варди "Реал"га ўтиши мумкин эди...

Шу каби эҳтимолий трансферлар ҳақида эшитганмисиз?

2003 йил. Криштиану Роналду — "Арсенал"

Сайёранинг энг яхши икки футболчисидан бири – Криштиану Роналду 2003 йили "Арсенал" билан шартнома имзолашга жуда яқин келади. Арсен Венгернинг шахсан ўзи ушбу трансферга қизиққан эди. 

Криштиану учун "Спортинг" клуби ва бир вақтнинг ўзида 10 га яқин клуб кураш олиб бораётганди. Португалия клуби учун таклифлар ичидан энг мақбули Лондон клуби эди. "Арсенал" Криштиану учун 4,5 миллион евро беришга рози бўлиб турганди. Арсен Венгернинг сўзларига қараганда, КриРо шартнома имзолаш учун ҳатто Лондонга учиб келган. Шартнома бандларини келишиш чоғида ўртага Фергюсоннинг "Манчестер Юнайтед"и қўшилади. "Қизил иблислар" "Спортинг"га 12 миллион евро таклиф қилиб, бўлажак суперюлдузни Манчестерга кўчириб олиб келишади.

2004 йил. Стивен Жеррард — "Челси"

2004 йилда "Ливерпуль" садоқатли ярим ҳимоячиси Стивен Жеррард клубни тарк этиши мумкинлиги ҳақида хабарлар тарқала бошлайди. Маълумотларга қараганда, англиялик футболчи Лондоннинг "Челси" клубига бориб қўшилишга жуда яқин эди. 

Стив Жи билан Жозе Моуриньюнинг шахсан ўзи боғлангани, "Челси"да унга яхши таклиф бор эканлиги ҳақидаги миш-мишлар урчиган. Аммо айни шу мавсумда мерсисайдликлар Рафа Бенитес билан узоқ кутилган чемпионликка эришишган, яъни "Ливерпуль" Чемпионлар Лигасида ғолиб бўлган. Жеррард эса клубда қолишини маълум қилган. 

Эслатиб ўтамиз, Жеррард "Ливерпул"да 2015 йилга қадар тўп тепган.

2014 йил. Виржил ван Дейк — "Кристал Пэлас"

"Ливерпул"нинг айни пайтдаги "девори" Виржил ван Дейк 2018 йилда мерсисайдлар сафига келиб қўшилишидан аввал, 2014 йили "Селтик"дан "Кристал Пэлас"га ўтиши мумкин эди. "Пэлас"нинг ўша мавсумдаги устози Нил Уорнок нидерландиялик футболчини жамоага олиб келишга ҳаракат қилган. Лондон жамоаси "Селтик" клубига 4 миллион евро таклиф қилган, аммо Шотландия жамоаси бунга розилик билдирмаган. 

Уорнок бу ҳақда шундай деганди: "2014 йили ван Дейк "Кристал Пэлас"га ўтишини истагандик. Аммо бундай бўлмади. Агар ҳимоячи бизга ўтганида, ҳозир барчаси буткул бошқача бўлар эди".

Шунингдек, "Арсенал" ҳам Виржилга қизиққан, аммо таклиф юбормаган. Арсен Венгер ван Дейкни юқори даражага кўтарила олиши ҳақида фикр билдирган эди. 2015 йилда футболчи 6 миллион еврога "Саутгемптон"га ўтган.

2015 йил. Карим Бензема — "Арсенал"

Сўнгги йилларда иккинчи ёшлигини ўтказаётган Карим Бензема 2015 йилда "Арсенал" либосини кийиши мумкин эди. Лондон клуби ҳужумчига 65 миллион евро таклиф қилган. Арсен Венгер уни иккинчи ҳужумчи сифатида клубга олиб келмоқчи эди. Шунингдек, франциялик мутахассис Бенземанинг Месут Озиль, Лоран Косьелни, Матьё Фламини, Франсис Коклен каби футболчилар билан яхши таниш эканлиги учун ҳам трансферга амалга ошишига ишонган. 

"Тўпчилар" Мадрид клуби билан боғланиб, трансферни ҳал қилишга ҳаракат қилишган, бироқ франциялик форвард бу трансферни рад этиб, "Реал"да қолишини маълум қилган. Маълумот ўрнида, Карим Бензема "Реал Мадрид"га 2009 йилда "Лион" клубидан келиб қўшилган эди.

2016 йил. Жейми Варди — "Реал Мадрид"

2016 йилда "Лестер Сити"нинг ҳайратланарли натижаси бутун футбол оммасини ўзига қарата олди. Кўплаб клублардан "Лестер" футболчиларига таклифлар кела бошлади. Шу йилнинг январь ойида "Реал Мадрид" ҳужумчи Жейми Вардига жиддий қизиқиш билдириб, англиялик футболчини клубга жалб этмоқчи бўлди. 

Гонсало Игуаин жамоани тарк этгач, ҳужум марказида муаммолар борлиги кўзга ташланди. Мадрид клуби Варди учун "тулкилар"га 30 миллион еврога яқин пул бериши мумкинлиги ҳақида хабарлар тарқалди. Лекин Варди "Лестер Сити"дан бошқа ҳеч қайси клубда ўйнамаслигини билдирган. 

Эслатиб ўтамиз, Жейми Варди фаолиятини Англиянинг 8-дивизионида бошлаган ва 2008 йилда "Лестер" клуби аъзосига айланган.

Шуҳрат Ҳомидов тайёрлади

Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика