Рэмси ортиқча вазнга эга бўлишдан қўрқишини тан олди

“Менга мураббийларимиз жўнатган фитнес дастурлар орқали мунтазам машғулотлар олиб бораяпман. Аммо бу жамоавий машғулот ёки футбол учрашувининг ўрнини боса олмайди. Ва сиз бу жараёнларсиз ортиқча вазнга эга бўлмаслигингизга ҳеч қандай кафолат йўқ. Турмуш ўртоғим уйда овқатларни тайёрларшни хўш кўради, мен эса тановул қилишни. Бу жуда яхши комбинация эмас. Машғулотларга қайтгач, ўзимга нисбатан қаттиққўллигим янада ошади, аммо ҳозир бунга амал қилиш жудаям қийин..

Бир финжон қаҳва ича туриб болаларим учун тайёрланган ширинликларнинг барини паққос туширишим мумкин. Ишонаманки, биз барчамиз аввалги нормал ҳаёт тарзимизга тезда қайтамиз. Чунки бу тахлит яшаш жудаям қийин”, дея Рэмсининг сўзларидан иқтибос келтирмоқда The Sun.

Илгарироқ футболчи ўзи туғилиб ўсган Уэльс учун 26 минг евро инсонпарварлик ёрдами кўрсатганлиги ҳақида хабарлар чиққанди.