Реграги: "15-20 йилларда Африка термаси ҳам ЖЧни ютади"
18 дек 2022 11:11
Янгиликлар

Реграги: "15-20 йилларда Африка термаси ҳам ЖЧни ютади"

Марокаш термаси бош мураббийи Волид Реграги Африкадан ҳам жаҳон чемпионлари бўлишини айтди.

"ЖЧда Африкадан 9 терма қатнашади ва биз ҳали ҳам ўрганишда давом этяпмиз. 15-20 йилдан сўнг Африка термаси ҳам жаҳон чемпиони бўлади, бунга ишонаман, чунки унгача ўрганиб бўламиз.
Ўтилиши керак бўлган яна бир қанча босқичлар бор. Биз эришилган натижалардан кўра кўпроғи учун ҳаракат қилиш тўсиғидан ўта олишимиз керак. Биз фақатгина Марокаш эмас, балки, бутун Африка учун ДНК яратмоқдамиз.
Кийим алмаштириш хонасига кирганда энди тарихга кириш учун Африка Кубогини ютишимиз керак дедим. Биз ўз қитъамизда етакчи бўлишни истаймиз.
Эртага нимага эришганимизни секин-секин тушуна борамиз. Кичик вақтда биз катта тажрибага эга бўлдик. Биз ўзимиз кутгандан кўра узоқроққа бора олдик, бироқ энди бу кейингилари учун камлик қилади. Бу нарса кейинги иштирокчилар учун намуна бўлиши керак. Умид қиламанки, бу натижалар Африка учун фойдали бўлади.
Бизни ажойиб келажак кутмоқда, албатта, энди олдинга ҳаракат қилишдан тўхтамаймиз. Олдимизга мақсад қўямиз ва бир кун келиб, жаҳон чемпиони бўламиз. Бу биз учун ҳам босим бўлаверсин.
Дунёнинг энг кучли термалари билан кураша олиш мумкинлигини намойиш қилиб бердик. Бундай ўйинларда барчаси кичик деталларга боғлиқлигини кўрсатдик", - деди Реграги.

Ҳавола :

Манба : Goal

Янгиликларни Телеграмда ўқинг!

Рейтинг: +1