"Реал" Рамос билан музокараларни бошлади. Раҳбарият жамоа етакчиси учун ўз сиёсатига қарши борадими?
04 ноя 2020 23:32
Янгиликлар
"Реал" Рамос билан музокараларни бошлади. Раҳбарият жамоа етакчиси учун ўз сиёсатига қарши борадими?
ESPN хабарига кўра, томонлар музокара столига бир неча ҳафта илгари ўтиришган. Рамос "Реал"да 2024 йилнинг июнига қадар қолмоқчи. Бу пайтда ҳимоячи 38 ёшда бўлади.
Клуб футболчининг жисмоний ҳолатини инобатга олган ҳолда воқеаларнинг бундай ривожланишига қарши эмас. Эҳтимол, томонлар шартномани ҳар йили янгилаб туришга рози бўлишлари мумкин. Шунингдек, бирданига узоқ муддатли шартнома имзоланиши ҳам мумкин.
Хабарингиз бор, "Реал" 30 ёшдан ошган футболчилар билан узоқ муддатга мўлжалланган келишувларни имзолашдан қочади ва, асосан, уларга 1 йиллик шартнома таклиф қилади. Раҳбарият Рамоснинг майдонда ва майдон ташқарисида жамоа учун аҳамиятини ҳисобга олиб бир гал ўз сиёсатига қарши бориши кутилмоқда.
Томонлар ўртасидаги амалдаги шартнома 2021 йилнинг ёзида ниҳоясига етади.
Рамос "Реал" таркибига 2005 йилда "Севилья"дан келиб қўшилган эди. У Мадридда 16-мавсумини ўтказяпти. Бу муддат давомида Серхио клуб билан 5 карра Ла Лига, 4 марта Чемпионлар Лигаси ғолибига айланди.
Ўхшаш янгиликлар
championat.asia
CAFA Nations Cup. Ўзбекистон 10 киши бўлиб қолган Қирғиз Республикасини йирик ҳисобда енгди. Финалдаги рақиб – Эрон
Бенту қўлдан чиқди, навбат Гжегож Бржэнчшчикиевичга
U-23 Осиё Кубоги саралаш босқичи. Ўзбекистон Қирғизистон билан дуранг ўйнади
Станислав Черчесов: "Ўзбекистонни умуман билмайдиган ва кўп нозик жиҳатлардан бехабар чет эллик мураббийнинг дарҳол натижа келтиришига ҳеч ким кафолат бера олмайди"
Фикрлар