"Реал" "Олтин тўп" маросимини бойкот қилди
22 сен 2025 17:38
Янгиликлар

"Реал" "Олтин тўп" маросимини бойкот қилди

Мадриднинг "Реал" клуби бугун бўлиб ўтадиган мавсумнинг энг яхши футболчисига топшириладиган "Олтин тўп"ни топшириш маросимини бойкот қилишга қарор қилди.

Бу ҳақда "The Athletic" хабар берди.

Манба берган хабарга кўра, бу қарорни "Реал" президенти Флорентино Перес қабул қилган. Бунга мадридликлар ҳужумчиси Винисиус Жуниорнинг 2024 йилда соврин ололмагани сабаб бўлган бўлиши мумкин. Вини 2024 йилги "Олтин тўп" учун сўровномада "Манчестер Сити" ва Испания терма жамоаси ярим ҳимоячиси Родрига имкониятни бой бериб, иккинчи ўринни эгаллаганди.

2024 йилнинг энг яхши футболчиси соврини учун даъвогарлар қаторида "Реал"нинг 7 нафар вакили ҳам бор эди. Энг яқин таъқибчилар "Манчестер Сити" ва "Арсенал"нинг ҳар бирида тўрттадан вакил бўлган. Қайд этиш жоиз, Мадриднинг "Реал" жамоаси бош мураббийи Карло Анчелотти энг яхши мураббий деб топилганди.

2025 йилги "Олтин тўп" учун "Реал"нинг 3 нафар футболчиси даъвогар: англиялик Жуд Беллингем, франциялик Килиан Мбаппе ва бразилиялик Винисиус.

Ҳавола :

Манба : The Athletic

Янгиликларни Телеграмда ўқинг!

Рейтинг: -4