"Реал Мадрид" Винисиуснинг жароҳати сабаб қишда бошқа бир вингерни сотиб олмоқчи. Номзод Германиядан топилди

Sport.es хабарига кўра, Мадрид клуби Винисиуснинг жароҳати туфайли бозорга киришга мажбур - бразилиялик футболчи камида кейинги йилнинг февралигача сафдан чиққан. "Қироллик клуби" "Лейпциг" ҳужумчиси Тимо Вернер билан шартнома имзоламоқчи. 

"Реал Мадрид" қишда топ даражадаги футболчи билан шартнома имзолаш имконияти йўқлигини билгани учун ҳам айнан Вернер номзодида тўхтаган. 

Вернер ҳам ўз омадини Мадридда синаб кўришга қарши эмас, чунки унинг ишлари "Лейпциг"да ҳозирда яхши эмас. 27 ёшли ҳужумчи жорий мавсум жамоанинг асосий ҳужумчиси эмас. У Бундеслига баҳсларида 8 та учрашувда майдонга тушди ва атиги 2 та гол уришга эришди.