Таниқли инсайдер Кристиан Фалькнинг хабар беришича, "Штутгарт" бош мураббийи Себастиан Хенесс мадридликларнинг номзодлар рўйхатига киритилган.
Маълум қилинишича, "Реал" раҳбарияти Хенесс бошчилигидаги "Штутгарт"нинг доминант ўйин услубидан ҳайратда қолган. Айниқса, жамоа таркибида юлдуз футболчилар бўлмаса-да, немис клубининг кўрсатаётган мазмунли ўйини Флорентино Перес ва унинг маслаҳатчиларида катта таассурот қолдирган.
Айни дамда "Штутгарт" Бундеслигада 30-турдан сўнг 56 очко билан 4-ўринда бормоқда ва Чемпионлар Лигаси йўлланмаси учун асосий даъвогарлардан бири бўлиб турибди.
