"Реал Мадрид" посбони Евро-2024 гуруҳ босқичининг энг ёмон дарвозабони деб топилди

Аналитик портал Лунинни 3,8 балл билан “мукофотлади”.

Иккинчи ўринни Туркия терма жамоаси дарвозабони Алтай Байиндир (5,42) эгаллади. Антирейтингда учинчи ўрин Польша терма жамоаси дарвозабони Войцех Шеснийга насиб этди (6,14).

Эслатиб ўтамиз, Лунин биринчи турда Руминия терма жамоасига қарши ўйинда Украина терма жамоаси дарвозасини қўриқлаганди. Мазкур ўйинда Андрей учта гол ўтказиб юборди, жамоаси эса мағлубиятга учради. Кейинги икки ўйинда Анатолий Трубин унинг ўрнини эгаллади - унинг иштирокида украиналиклар фақат битта гол ўтказиб юборишди, аммо барибир плей-оффга чиқа олишмади.