"Реал" бўйи 2.01 метр бўлган дарвозабонни кузатмоқда

"Хайдук" клуби раҳбарлар кенгаши аъзоси давозабон Карло Летица ҳақида:

"Карло ажойиб мавсум ўтказди. Мен футболчи ва унинг агентини жуда яхши биламан. Яна мен шуни ҳам аниқ айта оламанки, Летица ўйинларини Мадриднинг "Реал" жамоаси кузатиб боряпти. Карлони ёши ва ўйин услубидан келиб чиқиб, Доннарумма билан солиштирса бўлади", - деди клуб вакили. 

Карло Летица эндигина 21 ёшни қарши олди, бўйи 2.01 метр. Бу мавсум футболчи 22 ўйинда майдонга тушди, 14 та гол ўтказганига қарамай, 22 учрашувнинг 10 тасида дарвозаси дахсизлигини сақлаб қола олди. Эътиборлиси, бундан ташқари Карло битта гол уришни ҳам уддалади. Унинг ёшидаги посбон учун ажойиб статистика.