"Реал" Аспиликуэта учун 10 миллион евро тўлашга тайёр
05 дек 2022 20:49
Янгиликлар

"Реал" Аспиликуэта учун 10 миллион евро тўлашга тайёр

Куни кеча "Реал Мадрид" "Челси"нинг тажрибали ҳимоячиси Сезар Аспиликуэтага қизиқиш билдираётгани ҳақида хабарлар тарқалди.

Манбанинг хабарига кўра, Мадрид клуби лондонликларга 33 ёшли футболчи учун 10 миллион евро таклиф қилмоқчи.

Қайд этилишича, "Реал" бош мураббийи Карло Анчелотти Сезар Аспиликуэта ўз жамоасини кучайтиради деб ҳисобламоқда.

Сезар Аспиликуэта ўн йилдан ортиқ вақтдан бери "Челси"да ўйнаб келмоқда, ҳимоячи 2012 йилнинг август ойида "Марсел"дан трансфер қилинганди. Ўтган ёзда Аспиликуэта "Барселона"га ўтиши мумкин эди. Бироқ Сезар шартномани узайтириб, "Челси"да қолишга қарор қилди.

Ҳавола :

Манба : Fichajes

Янгиликларни Телеграмда ўқинг!

Рейтинг: +2